2022 оны 05 дугаар сарын 06-нд Shape.com вэбсайтад байршуулсан АНУ-ын Өвчнөөс урьдчилан сэргийлэх, хяналтын төв байгууллагын мэргэжилтэн, Нью Йоркийн их сургуулийн эрдэмтэн, хүнс судлаач Алис Фигуэроагийн ярилцлагад “Алимны цууг жин хасах зорилгоор хэрэглэх боломжтой эсэхийг хүн дээр туршсан тохиолдол цөөн. Лабораторийн нөхцөлд хархан дээр туршилт хийхэд их хэмжээний биш ч гэсэн эерэг нөлөө үзүүлсэн тохиолдол байдаг. Гэсэн ч жин хасах хамгийн сайн арга бол хэрэглэж буй хүнсний илчлэгийг багасгаж, дасгал хөдөлгөөн хийх юм” гэдгийг онцолсон байна.