"Хятад цахилгаан машин дэлбэрч байна" гэх бичлэг киноны зураг авалт

“Хятад цахилгаан машин дэлбэрч байна” гэх бичлэг киноны зураг авалт

#FactCheckedByMFCC | Шалгасан кэйсийн дугаар 961

Шалгасан: MFCC
2024-04-30

Checked by: MFCC

Ерөнхий агуулга

Хятад цахилгаан машин дэлбэрч байна гэх богино хэмжээний бичлэгийг түгээжээ.

Баримт шалгалтын үр дүн

Шалгаж буй бичлэг дэх үйл явдал нь киноны зураг авалт байна.

2024 оны дөрөвдүгээр сарын 29-нд Монгол Улсын Иргэн Отгоншагай гэх хаягаас “Хятадад цахилгаан машины дэлбэрэлт гэнэ аймар, цахилгаан машин” гэх тексттэй машин дэлбэрч буй мэт богино хэмжээний билэгчийг түгээжээ. Тус пост нь нийт 313 реакц, 52 сэтгэгдэл авч, 243 удаа цааш түгээгдэж, 218 мянга гаруй хэрэглэгч үзжээ.

FACTCHECK: Бид дараах байдлаар баримт шалгалт хийлээ

Шалгаж буй бичлэг дээр гарч буй дүрсэд хятадаар бичсэн учир Douyin (TikTok-ийн хятад хувилбар)-аас “Дэлбэрч буй машин” гэх агуулгаар хайхад @法治泰安 (Тайань дахь хууль дээдлэх ёс – БНХАУ-ын Коммунист намын Тайань хотын хорооны Улс төр, хууль зүйн хорооны албан ёсны хаяг) болон @中广河南1047 (Жунгуан Хэнань 1047- Хятадын замын хөдөлгөөний өргөн нэвтрүүлгийн Хэнань давтамжийн албан ёсны хаяг) хаягт шалгаж буй бичлэгийг оруулжээ.

Тус бичлэгийн тайлбар хэсэгт киноны зураг авалт хэмээн тайлбарласан байна. Үргэлжлүүлэн weibo (Хятадын блог вэбсайт)-аас ижил агуулгаар хайхад 2022 оны 12-р сарын 26 нд Тяньжиний болон Тунляогийн гал командын албан ёсны хаягуудад шалгаж буй бичлэгийг киноны зураг авалтын хэсэг байсан гэдгийг дурдаж тээврийн хэрэгслийн аюулгүй байдлыг хангаарай гэх агуулга бүхий нэмэлт мэдээллийг оруулжээ. Иймд шалгаж буй бичлэг нь кинон зураг авалтад зориулсан бөгөөд цахилгаан машин эсэх нь тодорхойгүй юм.

Аливаа мэдээллийг хуваалцахаасаа өмнө #ЭхлээдБод #Think1st

Та бүхэн манай төвийн баримт нягталсан мэдээтэй холбоотой аливаа санал хүсэлт, залруулга хийлгэх болон бусад санал гомдлоо редакторын hello@mfcc.mn имэйл хаягаар ирүүлнэ үү.

ЭХ СУРВАЛЖ, ХОЛБООТОЙ НИЙТЛЭЛҮҮД

Шалгасан мэдээлэл

Эх сурвалжууд

@法治泰安 (Тайань дахь хууль дээдлэх ёс БНХАУ-ын Коммунист намын Тайань хотын хорооны Улс төр, хууль зүйн хорооны албан ёсны данс) douyin хаяг

@中广河南1047 (Жунгуан Хэнань 1047- Хятадын замын хөдөлгөөний өргөн нэвтрүүлгийн Хэнань давтамжийн албан ёсны хаяг) douyin хаяг

weibo дахь мэдэгдлүүд

Хуваалцах

Бид Олон Улсын Баримт Шалгагчдын Сүлжээ (International Fact-Checking Network)-ний ёс зүйн кодын дагуу аливаа мэдээллийг баримтаар баталгаажуулан шалгадаг. Баримтаар шалгасан мэдээллээ #ҮНЭН, #ХУДАЛ, #ТӨӨРӨГДҮҮЛСЭН, #БҮРЭН БУС, #ЭВЛҮҮЛЭГ, #ЕГӨӨДӨЛ гэсэн зургаан төрлөөр ангилж, олон нийтэд үнэн бодит мэдээлэл түгээн ажиллаж байна.