Испанийн тэнгэрт харагдсан хачирхалтай гэрэл нь зураг авалтын өмнөх гэрэлтүүлгийн туршилт

#FactCheckedByMFCC | Шалгасан кэйсийн дугаар #929

Шалгасан: MFCC
2024-04-04

Checked by: MFCC

Ерөнхий агуулга

Испанийн тэнгэрт хачирхалтай гэрэл үзэгдсэн гэх агуулга бүхий мэдээллийг түгээжээ.

Баримт шалгалтын үр дүн

Тэнгэрт үзэгдсэн гэх гэрэл нь зураг авалтын өмнөх гэрэлтүүлгийн туршилт аж.

2024 оны дөрөвдүгээр сарын 02-нд Батчулуун Цэнгэл Батцэнгэл гэх хаягаас “ХАРЬ ГАРИГ СОНИРХОГЧИД” бүлгэмд “Испанийн тэнгэрт бүртгэгдсэн хачирхалтай гэрэл. Испанид олон нийтийн сүлжээнд шуугиан тарьж байна 30/03/2024” гэх тайлбартайгаар тэнгэрт дугуй хэлбэртэй гэрэл асаж буй хэд хэдэн зургийн хамт нийтэлжээ. Тус пост нь нийт 682 реакц, 71 сэтгэгдэл авч, 63 удаа цааш түгээгдсэн байна.

FACTCHECK: Бид дараах байдлаар баримт шалгалт хийлээ

Шалгаж буй мэдээлэлд хавсаргасан зургийг “Google Lens” хайлтын системээр хайхад Instagram, TikTok, Youtube зэрэг олон платформд тус мэдээлэл түгээгдсэн бөгөөд илэрцүүд дунд Испанийн мэдээллийн сайт “Heraldo”-ийн мэдээлэл байв. 2024 оны дөрөвдүгээр сарын 02-нд “Heraldo” сайтад нийтэлсэн мэдээлэлд “…Кретас хотын Соло Хаус орон сууцны цогцолборт телевизийн зураг авалтын гэрэлтүүлгийг туршиж байсан… ” хэмээжээ. Уг гэрэлтүүлгийн туршилтыг Тэрүэл кино комисс (Teruel Film Commision) хийсэн ба албан ёсны Instagram хаягтаа дөрөвдүгээр сарын 02-ны өдөр “Энэ халдлага биш, зураг авалтын өмнөх техникийн туршилтууд юм..” гэх тайлбартайгаар шалгаж буй мэдээлэлд хавсаргасан зургийг оруулжээ.

Аливаа мэдээллийг хуваалцахаасаа өмнө #ЭхлээдБод #Think1st

Та бүхэн манай төвийн баримт нягталсан мэдээтэй холбоотой аливаа санал хүсэлт, залруулга хийлгэх болон бусад санал гомдлоо редакторын hello@mfcc.mn имэйл хаягаар ирүүлнэ үү.

ЭХ СУРВАЛЖ, ХОЛБООТОЙ НИЙТЛЭЛҮҮД

Шалгасан мэдээлэл

Эх сурвалжууд

“Heraldo” мэдээллийн сайт

@teruel_filmcommision Instagram хаяг

@aragonfilmcom Instagram хаяг

Хуваалцах

Бид Олон Улсын Баримт Шалгагчдын Сүлжээ (International Fact-Checking Network)-ний ёс зүйн кодын дагуу аливаа мэдээллийг баримтаар баталгаажуулан шалгадаг. Баримтаар шалгасан мэдээллээ #ҮНЭН, #ХУДАЛ, #ТӨӨРӨГДҮҮЛСЭН, #БҮРЭН БУС, #ЭВЛҮҮЛЭГ, #ЕГӨӨДӨЛ гэсэн зургаан төрлөөр ангилж, олон нийтэд үнэн бодит мэдээлэл түгээн ажиллаж байна.