"Монгол бүсгүй Францад цахиур хагалж байна" гэх мэдээлэл худал

“Монгол бүсгүй Францад цахиур хагалж байна” гэх мэдээлэл худал

#FactCheckedByMFCC | Шалгасан кэйсийн дугаар #914

Шалгасан: MFCC
2024-03-28

Checked by: MFCC

Ерөнхий агуулга

Монгол бүсгүй Францад цахиур хагалж байна гэх тайлбартай бичлэг түгээжээ.

Баримт шалгалтын үр дүн

Шалгаж буй бичлэг нь Филиппин улсад болсон загварын шоунд алхаж буй Филиппиний жүжигчин, модель Франсин Диасийн бичлэг юм.

2024 оны гуравдугаар сарын 21-ны өдөр Монгол ПОСТ гэх хуудаснаас “Монгол бүсгүй Францад цахиур хагалж байна …” гэх тайлбартайгаар загварын тайзан дээр алхаж буй эмэгтэйн бичлэгийг нийтэлжээ. Тус бичлэг нь нийт 2,100 гаруй реакц, 38 сэтгэгдэл авч, 235 мянга гаруй хэрэглэгч үзсэн .

FACTCHECK: Бид дараах байдлаар байдлаар баримт шалгалт хийлээ

Шалгаж буй бичлэгийн хэсгийг “Google lens” хайлтын системээр хайхад Instagram, X (хуучнаар твиттер), Tiktok зэрэг платформд түгээсэн байна. @francinesdiaz.updatez гэх инстаграм хаягт шалгаж буй бичлэгт алхаж буй бүсгүйг өөр өнцгөөс авсан бичлэгийг “#FrancineDiaz #FranSeth #Chin #francinecarreld #francinecarrelsaenzdiaz..” зэрэг хаштагтай постолжээ. Үргэлжлүүлэн бичсэн хаштагуудаас хамгийн эхнийх буюу “Francine Diaz” гэх түлхүүр үгээр Google-ээс хайхад Филиппин гаралтай жүжигчин моделийн танилцуулга гарч ирлээ.

Francine Diaz гэх нэрээр instagram-д хайхад тус жүжигчний албан ёсны Instagram хуудас гарч ирсэн ба тэрээр Instagram хуудастаа гуравдугаар сарын 16-ны өдөр “Өнгөрсөн долоо хоногт @benchtm -ийн загварын шоу дээр” гэх тайлбартайгаар тайзан дээр алхаж буй бичлэгээ постолсон байна.

Филиппиний хувцасны брэнд “Bench”-ийн 2024 ны зуны загварын долоо хоног нь гуравдугаар сарын 8-10ны өдрүүдэд Филиппин улсын Tanguig хотод болж өнгөрсөн бөгөөд энэ шоуны үеэрх бичлэгийг худал тайлбартай түгээжээ.

Аливаа мэдээллийг хуваалцахаасаа өмнө #ЭхлээдБод #Think1st

Та бүхэн манай төвийн баримт нягталсан мэдээтэй холбоотой аливаа санал хүсэлт, залруулга хийлгэх болон бусад санал гомдлоо редакторын hello@mfcc.mn имэйл хаягаар ирүүлнэ үү.

ЭХ СУРВАЛЖ, ХОЛБООТОЙ НИЙТЛЭЛҮҮД

Шалгасан мэдээлэл

Эх сурвалжууд

“Google lens” хайлтын системээр илэрсэн хайлт

@francinesdiaz.updatez гэх инстаграм хаяг

@francinesdiaz гэх инстаграм хаяг

“Bench” хувцасны брэндийн албан ёсны фейсбүүк хаяг

Хуваалцах

Бид Олон Улсын Баримт Шалгагчдын Сүлжээ (International Fact-Checking Network)-ний ёс зүйн кодын дагуу аливаа мэдээллийг баримтаар баталгаажуулан шалгадаг. Баримтаар шалгасан мэдээллээ #ҮНЭН, #ХУДАЛ, #ТӨӨРӨГДҮҮЛСЭН, #БҮРЭН БУС, #ЭВЛҮҮЛЭГ, #ЕГӨӨДӨЛ гэсэн зургаан төрлөөр ангилж, олон нийтэд үнэн бодит мэдээлэл түгээн ажиллаж байна.