Уран зохиол, дуу хөгжим, технологийн хичээлийг ЕБС-ийн сургалтын хөтөлбөрөөс хасах шийдвэр гараагүй

#FactCheckedByMFCC | Шалгасан кэйсийн дугаар #913

Шалгасан: MFCC
2024-03-28

Checked by: MFCC

Ерөнхий агуулга

“Дуу хөгжим, технологи, уран зохиолын хичээлүүдийг сургалтын хөтөлбөрөөс хасжээ” гэж түгээжээ.

Баримт шалгалтын үр дүн

БШУЯ-аас дуу хөгжим, технологи, ураны зохиолын хичээлүүдийг ЕБС-ийн сургалтын хөтөлбөрөөс хасна гэсэн шийдвэр гараагүй гэв.

2024 оны гуравдугаар сарын 27-ны өдөр ASU.mn гэх нэртэй фейсбүүк хуудсаас “ДУУ ХӨГЖИМ, ТЕХНОЛОГИ, УРАН ЗОХИОЛЫН хичээлүүдийг сургалтын хөтөлбөрөөс хасжээ” хэмээн мэдээлжээ. Уг мэдээлэл нь 50 реакц, 36 сэтгэгдэл авч, 6 удаа цааш түгээгджээ.

FACTCHECK: Бид дараах байдлаар баримт шалгалт хийлээ

Уг мэдээллийн гарчигт “…хасжээ” гэсэн боловч ороод уншихад “Ирэх хичээлийн жил буюу 2024 оны есдүгээр сарын 1-нээс сургуулийн өмнөх болон ерөнхий боловсролын сургуулийн хичээлийн хөтөлбөрт өөрчлөлт оруулж, зарим хичээлийг хасахаар төлөвлөж буй талаар салбарын сайд мэдээлсэн. Тэгвэл энэ төслийн хүрээнд ДУУ ХӨГЖИМ, ТЕХНОЛОГИ, УРАН ЗОХИОЛЫН хичээлүүдийг сургалтын хөтөлбөрөөс хасах талаар яригдаж буй аж” гэсэн байна.

Энэ нь олон нийтийг төөрөгдүүлсэн тул дараах тодруулгыг авлаа.

Бид Боловсрол, шинжлэх ухааны яамтай холбогдон энэ талаар тодруулга авахад “БШУ-ы яамнаас ЕБС-ийн сургалтын хөтөлбөрөөс дуу хөгжим, технологи, уран зохиол гэсэн 3 хичээлийг хасна гэсэн шийдвэр гараагүй” хэмээн хариуллаа.

Мөн 03 дугаар сарын 28-ны 10:13 цагт БШУ-ы сайд Л.Энх-Амгалан өөрийн хаягаар мэдэгдэл гаргаж, дээрх агуулгатай ижил мэдээллийг няцаажээ.

Мэдэгдэлд дээрх гурван хичээлийг хассан тухай мэдээлэлдээ залруулга гаргахыг шаардсан байна.

Иймд БШУЯ-аас албан ёсны шийдвэр гартал ташаа мэдээлэлд хууртахгүй байхыг зөвлөе.

Аливаа мэдээллийг хуваалцахаасаа өмнө #ЭхлээдБод #Think1st

Та бүхэн манай төвийн баримт нягталсан мэдээтэй холбоотой аливаа санал хүсэлт, залруулга хийлгэх болон бусад санал гомдлоо редакторын hello@mfcc.mn имэйл хаягаар ирүүлнэ үү.

ЭХ СУРВАЛЖ, ХОЛБООТОЙ НИЙТЛЭЛҮҮД

Шалгасан мэдээлэл

Эх сурвалжууд

Боловсрол, шинжлэх ухааны яамны сайдын мэдэгдэл

Архивлагдсан хувилбар

Хуваалцах

Бид Олон Улсын Баримт Шалгагчдын Сүлжээ (International Fact-Checking Network)-ний ёс зүйн кодын дагуу аливаа мэдээллийг баримтаар баталгаажуулан шалгадаг. Баримтаар шалгасан мэдээллээ #ҮНЭН, #ХУДАЛ, #ТӨӨРӨГДҮҮЛСЭН, #БҮРЭН БУС, #ЭВЛҮҮЛЭГ, #ЕГӨӨДӨЛ гэсэн зургаан төрлөөр ангилж, олон нийтэд үнэн бодит мэдээлэл түгээн ажиллаж байна.