Хаан Банкны нэрийг ашигласан цахим залилангаас сэрэмжлээрэй

#FactCheckedByMFCC | Шалгасан кэйсийн дугаар #857

Шалгасан: MFCC
2024-02-08

Checked by: MFCC

Ерөнхий агуулга

“Хаан Банк: Системийн шинэчлэл хийгдсэн тул мэдээллээ баталгаажуулна уу” гэсэн мессежийг нээж болохгүй, болгоомжилно уу гэх агуулгыг түгээжээ.

Баримт шалгалтын үр дүн

Хаан Банкнаас энэ мессежийг албан ёсны бус болохыг мэдэгдсэн ба холбоос дээр дарахгүй байж цахим залилангийн хохирогч болохоос сэрэмжлүүлсэн.

2024 оны 02 дугаар сарын 05-нд “Хаан Банк: Системийн шинэчлэл хийгдсэн тул мэдээллээ шинэчилнэ үү” гэсэн мессеж ирж байна, ийм мессеж ирвэл орж болохгүй шүү хэмээн сэрэмжлүүлсэн мэдээлэл фэйсбүүкт нийтлэгдэн өндөр хандалт аваад байна (энд бас энд).

FACTCHECK: Бид дараах байдлаар баримт шалгалт хийлээ

Бид дээрх мессеж болон холбоосыг Хаан Банкнаас албан ёсны эсэх талаар мэйлээр тодруулахад “Энэ нь Банкнаас илгээсэн мэдээлэл биш тул та бүхэн цахим залилангаас урьдчилан сэргийлэн холбоос дээр дарахгүй байхыг анхаарна уу” хэмээн мэдэгдсэн. Үргэлжлүүлэн Хаан Банкны албан ёсны вэбсайт www.khanbank.com мөн тус банкны үйлчилгээний нэгдсэн төвийн 1800-1977 утас, албан ёсны фэйсбүүк хаяг зэргээс мэдээлэл авахыг зөвлөж байгаагаа мэдэгдсэн.

Иймээс аливаа холбоос дээр дарж орохоосоо өмнө домэйн нэр нь албан ёсных мөн эсэхийг шалган аливаа хувийн мэдээллээ өгөхөөсөө өмнө албан ёсны холбогдох хаяг, утсаар мэдээлэл авахыг зөвлөж байна.

Аливаа мэдээллийг хуваалцахаасаа өмнө #ЭхлээдБод #Think1st

Та бүхэн манай төвийн баримт нягталсан мэдээтэй холбоотой аливаа санал хүсэлт, залруулга хийлгэх болон бусад санал гомдлоо редакторын hello@mfcc.mn имэйл хаягаар ирүүлнэ үү.

ЭХ СУРВАЛЖ, ХОЛБООТОЙ НИЙТЛЭЛҮҮД

Шалгасан мэдээлэл

Эх сурвалжууд

Хаан Банкны албан ёсны вэбсайт

Хаан Банкны албан ёсны фэйсбүүк хуудас

Архивлагдсан хувилбар

Хуваалцах

Бид Олон Улсын Баримт Шалгагчдын Сүлжээ (International Fact-Checking Network)-ний ёс зүйн кодын дагуу аливаа мэдээллийг баримтаар баталгаажуулан шалгадаг. Баримтаар шалгасан мэдээллээ #ҮНЭН, #ХУДАЛ, #ТӨӨРӨГДҮҮЛСЭН, #БҮРЭН БУС, #ЭВЛҮҮЛЭГ, #ЕГӨӨДӨЛ гэсэн зургаан төрлөөр ангилж, олон нийтэд үнэн бодит мэдээлэл түгээн ажиллаж байна.