Гималайн ууланд хэсэг уулчид даяанчтай таарчээ гэх мэдээлэл бүрэн бус

#FactCheckedByMFCC | Шалгасан кэйсийн дугаар #873

Шалгасан: MFCC
2024-02-22

Checked by: MFCC

Ерөнхий агуулга

Гималайн ууланд хэсэг уулчид даяанчтай таарчээ гэх тайлбартай бичлэгийг түгээжээ.

Баримт шалгалтын үр дүн

Энэ бичлэг нь хэсэг уулчид даяанч ламтай таарсан явдал биш бясалгагчийн өөрийн бичлэг юм. Түүний бичлэгүүдийг Kaulantak Peeth гэх нийгмийн сүлжээний хаягуудаас нь харах боломжтой.

2024 оны 02 дугаар сарын 20-ны өдөр “Хэсэг уулчид Гималайн цаст ууланд буй даяанчтай таарчээ” гэх тайлбартай богино бичлэг олон фэйсбүүк хуудсаар түгэн өндөр хандалт аваад байна (энд, энд бас энд). Бичлэгт нэгэн хүн ууланд цасан шуургатай өдөр бясалгаж буй харагдана.

FACTCHECK: Бид дараах байдлаар байдлаар баримт шалгалт хийлээ

Бид шалгаж буй бичлэгийн дээд хэсэгт байрлах Kaulantak Peeth гэх нэрээр хайхад нэгэн бясалгалчийн албан ёсны инстаграм, фейсбүүк хуудас болон kaulantakpeeth.net гэх вэбсайт гарч ирсэн.

Дээрх зурагт харагдаж байгаачлан 2024 оны 02-р сарын 20-ны өдөр шалгаж буй бичлэгийн эх хувилбарыг уг бясалгагч албан ёсны хаягтаа “Гималайн Сидда йогч – Ишапутра” гэх тайлбартайгаар нийтэлжээ. Үүнтэй төстэй ойд, өндөр ууланд бясалгал хийж буй бичлэгүүдийг фейсбүүк хуудас, инстаграм хаяг болон Youtube хуудаснаас нь харах боломжтой.

Иймд шалгаж буй бичлэг нь тайлбарласан шиг “хэсэг уулчид даяанчтай таарсан” биш харин энэ бясалгагчийн өөрийн бичлэг бөгөөд тэрээр янз бүрийн орчинд өөрийн бясалгалын бичлэгийг нийтэлдэг байна.

Аливаа мэдээллийг хуваалцахаасаа өмнө #ЭхлээдБод #Think1st

Та бүхэн манай төвийн баримт нягталсан мэдээтэй холбоотой аливаа санал хүсэлт, залруулга хийлгэх болон бусад санал гомдлоо редакторын hello@mfcc.mn имэйл хаягаар ирүүлнэ үү.

ЭХ СУРВАЛЖ, ХОЛБООТОЙ НИЙТЛЭЛҮҮД

Шалгасан мэдээлэл

Эх сурвалжууд

Kaulantak Peeth фейсбүүк хуудас

@kaulantakpeethhimalaya инстаграм хаяг

Kaulantak Peeth youtube хуудас

Архивлагдсан хувилбар

Хуваалцах

Бид Олон Улсын Баримт Шалгагчдын Сүлжээ (International Fact-Checking Network)-ний ёс зүйн кодын дагуу аливаа мэдээллийг баримтаар баталгаажуулан шалгадаг. Баримтаар шалгасан мэдээллээ #ҮНЭН, #ХУДАЛ, #ТӨӨРӨГДҮҮЛСЭН, #БҮРЭН БУС, #ЭВЛҮҮЛЭГ, #ЕГӨӨДӨЛ гэсэн зургаан төрлөөр ангилж, олон нийтэд үнэн бодит мэдээлэл түгээн ажиллаж байна.