MNB сувгийн Украины талаарх тойм мэдээлэлд ашигласан байлдааны дүрсийн эх сурвалжийг мөшгих арга

Checked by: MFCC

Ерөнхий агуулга

2022 оны 02 дугаар сарын 24-ний 18:00 цагт “MNB Монголын мэдээ” нэртэй 367 мянган дагагчтай МҮОНТ-ийн албан ёсны пэйжээр цацагдсан “Монголын мэдээ тойм тайлбар” шууд нэвтрүүлгийн дэд хэсэг болох “ОХУ Уркаины Донбассд цэргийн тусгай ажиллагаа эхлүүллээ” гэх мэдээ, ярилцлагын үед ашигласан дүрс нь үүсээд байгаа нөхцөл байдлын бичлэг мөн эсэхэд эргэлзсэн асуулт цахим орчинд дэгдсэн. Зарим хэрэглэгч үүнийг Украинд биш, өмнө нь ашиглаж байсан бичлэг гэж постолж байсан.

Баримт шалгалтын үр дүн

🔍 Тэгвэл энэ бичлэгийг интернэтэд хэзээ ямар эх сурвалжаас оруулсан болон хэрхэн түгсэн мэдээллийг авах бас нэг арга заах зорилгоор энэхүү баримт шалгалтыг хүргэж байна.

1. Yandex.ru

📌 Бичлэгийн нэг хэсгийг зураг болгон хадгалж аваад, Yandex.ru сайтад файлаар нь дуудан оруулж, тохирох хүрээгээр таслан хайх боломжтой. Энэ үед тухайн зургийг ашигласан илэрцүүд болон бичлэгийн линкүүд гарч ирнэ.

2. inVID

📌 inVID хэрэглүүрт шалгах гэж буй бичлэгийн линкийг оруулахад автоматаар олон кадр зураг болгож Google, Tineye, Yandex, Reddit платформ дахь илэрц тус бүрээр нь шинэ цонхон дээр гаргаж өгнө.

📌 Хайлтын дүнд Yandex.ru сайтад илүү олон илэрц гарч ирсэн бөгөөд 2013 оны 09 дүгээр сарын 10-нд Грекийн сайтад оруулсан бичлэг “Грек, АНУ, Израиль зэрэг дэлхийн цөөхөн оронд байдаг APACHE байлдааны нисдэг тэрэгний чадварыг харуулсан видеог харуулсан байна. Уг видеог нисдэг тэрэгний камераас (Талибанчуудын дайралтыг тогтоох Америкийн ажиллагааны үеэрх жинхэнэ дайны дүр зураг) авсан. 30 калибрийн пулемёт бүхий автомат буутай бэхлэгдсэн бөгөөд тэдгээр нь гранат шиг тарсан байрлалтай байдаг тул байг онох шаардлагагүй… Талибанчууд яаж ч хичээж, нуугдсан пуужинд оногдож байгааг бичлэгээс харж болно…” гэсэн тайлбартай оруулсан байна.
📌 Мөн энэ бичлэгийг ашиглан 2017 онд зохион байгуулалттайгаар эвлүүлэг хийж хуурамч бичлэг /malinformation/ тараасан байна. Бичлэгт В.Путинд Apache байлдааны нисдэг тэргийг танилцуулахаар дээрх бичлэгийг утаснаас үзүүлж байгаа, түүнийг нь ОХУ-ын ерөнхийлөгч сайшааж байгаа мэтээр эвлүүлсэн байв.
☝️ Олон нийтэд хуурамч /disinformation/ болон ташаа /misinformation/ мэдээлэл, зохион байгуулалттай бүтээсэн худал мэдээллийг /malinformation/ ялгаж таньдаг мэдлэг олгох зорилгоор манай төв үнэ төлбөргүй ашиглаж болдог хэрэглүүр, сайтуудыг цувралаар санал болгож, мэдээлэл нягтлах арга зүйгээ хуваалцаж байгаа билээ. Та бүхнийг мэдээлэлд шүүлтүүртэй ханддаг хэрсүү нэгэн байхад бидний хүргэж буй баримт шалгалтууд хувь нэмэр оруулна гэдэгт итгэж байна.


Аливаа мэдээллийг хуваалцахаасаа өмнө #ЭхлээдБод #Think1st


Та бүхэн манай төвийн баримт нягталсан мэдээтэй холбоотой аливаа санал хүсэлт, залруулга хийлгэх болон бусад санал гомдлоо редакторын hello@mfcc.mn имэйл хаягаар ирүүлнэ үү.

Leave a Reply

Your email address will not be published. Required fields are marked *

Хуваалцах

Бид Олон Улсын Баримт Шалгагчдын Сүлжээ (International Fact-Checking Network)-ний ёс зүйн кодын дагуу аливаа мэдээллийг баримтаар баталгаажуулан шалгадаг. Баримтаар шалгасан мэдээллээ #ҮНЭН, #ХУДАЛ, #ТӨӨРӨГДҮҮЛСЭН, #БҮРЭН БУС, #ЭВЛҮҮЛЭГ, #ЕГӨӨДӨЛ гэсэн зургаан төрлөөр ангилж, олон нийтэд үнэн бодит мэдээлэл түгээн ажиллаж байна.

Check document