“Хеликобактер устгана” гэх батлагдаагүй аргын талаар мэдээлэл түгээжээ
Инжир болон оливын тосыг хавсран хэрэглэдэг тусгай эмчилгээний аргын талаар шинжлэх ухааны хүрээнд баталсан судалгааны өгүүллэг илэрсэнгүй. Зарим судалгаагаар оливын тос хеликобактерийг (H. pylori) бууруулахад нөлөөлөх магадлалтайг харуулсан ч, үндсэн эмчилгээний аргыг орлохуйц баталгаатай биш, үр нөлөөг нь үнэлэхийн тулд илүү судалгаа шаардлагатай гэж дүгнэжээ.
Таргалалтын шалтгааныг төөрөгдүүлсэн агуулгаар тайлбарлаж байна
Таргалалт нь амьдралын хэв маяг, хөдөлгөөний дутагдал, буруу хооллолт, генетик, гормоны тэнцвэргүй байдал, өвчин, эмийн нөлөө зэрэг олон хүчин зүйлээс шалтгаалж үүсдэг. Адидоз “Adidosis” гэдэг нэр томьёо нь шинжлэх ухаанд хэрэглэгддэггүй бөгөөд ийм тогтсон нэршил байхгүй. Мөн зөвхөн бэлгийн харилцаагаар дамжуулан дааврыг тогтворжуулж, таргалалтыг бууруулах нь шинжлэх ухааны судалгаагаар батлагдаагүй бөгөөд бусад төрлийн идэвхтэй хөдөлгөөнтэй адил хангалттай хэмжээний илчлэгийг шатаахгүй.
“Уран Улаанбадрахын асуудал биш 8 аймгийн 40 гаруй сумын 190 гаруй газрын асуудал” гэх мэдээлэл төөрөгдүүлсэн
Дорноговь, Сүхбаатар, Дундговь, Дорнод гэсэн дөрвөн аймгийн нийт таван суманд цацраг идэвхт ашигт малтмалын хайгуулын гурав, ашиглалтын зургаан лицензийн тусгай зөвшөөрөл хүчин төгөлдөр бүртгэлтэй байна
Сэтгэл түгшилт нь хүний бие махбодын мэдрэхүйд нөлөөлж, арьс загатнах нь элбэг байдаг
тогтоосонСэтгэл түгшүүр нь хүний бие махбодын олон төрлийн мэдрэхүйд нөлөөлж, ялангуяа арьсан дээр загатнах, түлэгдэх мэт хорсох мэдрэмжийг төрүүлэх нь элбэг байдаг. Судалгаагаар архаг буюу удаан хугацааны түгшүүр, стрессийн түвшин өндөр хүмүүсийн дунд ямар нэгэн арьсны өвчин байхгүй нөхцөлд хүртэл арьс загатнах зовиур түгээмэл илэрдгийг тогтоосон байна.
Зөгийн хор агуулсан тос түрхээд үений үрэвсэл эмчлэхийг баталсан судалгаа байхгүй
Зөгийн хор агуулсан тос ашиглан үений үрэвсэлт өвчин эмчлэх тухай шинжлэх ухааны нотолгоо байхгүй. Бүтээгдэхүүн сурталчилж буй хуудас нь өөр үйл ажиллагаа явуулдаг компанийн сертификатыг ашиглаж, спам сайтаар бүтээгдэхүүн худалдаална гэх хуурамч мэдээлэл түгээжээ.
Цус харвалт болон бусад өвчний үед хурууны зэтрийг хатгах арга бүрэн батлагдаагүй
Хурууны зэтрийг хатгах аргыг дур мэдэн хэрэглэхгүй байхыг анхаарч, гэнэтийн тохиолдолд мэргэжлийн байгууллагад хандах нь зүйтэй. Учир нь энэ төрлийн аргыг орчин үеийн шинжлэх ухаанаар бүрэн батлаагүй бөгөөд зарим тохиолдолд үр дүнгүй гэж дүгнэсэн. Уг арга нь харвалт, даралт зэрэг өвчний батлагдсан эмчилгээг орлохгүй. Мөн энэ төрлийн аргуудыг буруу хэрэглэхэд арьсны халдвар, мэдрэл, судасны гэмтэл, цус алдах зэрэг эрсдэлтэй.