“Харшлын багц” гэх бүтээгдэхүүний найрлага дахь ургамлуудын судалгаанд харшлыг намдаах үйлчилгээ байхгүй
Дархлаа дэмжих эрүүл мэндийн бүтээгдэхүүний үйлчилгээг харшлын эсрэг хэмээн сурталчилж, төөрөгдүүлсэн мэдээлэл түгээж байна. Чонын элэг жимс болон саримсны хүний биед үзүүлэх ашиг тус, үр нөлөө нь судалгаагаар батлагдсан боловч харшлын шинж тэмдгийг дарах, харшилгүй болгох гэдэг нь судалгаагаар батлагдаагүй, ургамлын харшил дарах үйлчилгээтэй гэх эцсийн дүгнэлт хийхэд хангалтгүй байна.
Гаднын улсаас удирлагатай хуурамч хуудаснаас “Gingko Max” гэх чанар, үр нөлөө нь тодорхойгүй бүтээгдэхүүн сурталчилж байна
Гаднын улсаас админ удирддаг хуурамч хаягаар баталгаагүй бүтээгдэхүүн сурталчлан борлуулж байна. Сурталчилж буй нэмэлт бүтээгдэхүүний гол орц болох гинкго билоба хэмээх ургамлын нөлөөг шинжлэх ухаанаар бүрэн батлаагүй байгаа бөгөөд тус ургамлын хандыг их хэмжээгээр хэрэглэх нь зүрхний хэм алдагдах, толгой эргэх, харшил өгөх, суулгах зэрэг гаж нөлөөтэй байдаг.
“Архинаас гаргаж, элэг цэвэрлэнэ” гэх наалт үр нөлөөгүй
Найдваргүй хуудаснаас “архинаас гаргаж, элэг цэвэрлэх япон наалт” гэх агуулгатай мэдээлэл түгээж, баталгаагүй бүтээгдэхүүн сурталчилж байна. Архины хамаарлыг энгийн наалт хэрэглэх замаар эмчлэх боломжгүй бөгөөд ийм төрлийн бүтээгдэхүүний үр нөлөөг баталсан шинжлэх ухааны судалгаа байхгүй.
Биеийн хэт халалт халуун хоолноос үүсдэг гэх судалгаа байхгүй
Хэт өндөр халуурахад хүний биеийн эд эс үхдэг, мөн хэт халуун хоол идэх нь улаан хоолойн хавдарын эрсдэлийг нэмэгдүүлдэг. Гэхдээ харин халуун хоол идээд эсийн үхэлд хүргэсэн тухай нэг ч тохиолдол, судалгаа байхгүй.
Сенна ургамлыг “тураах бэлдмэл” бус өтгөн хатах үед туулга хэлбэрээр ашиглаж ирсэн
Олон улсын эрүүл мэндийн байгууллагуудаас сенна ургамал агуулсан эм бэлдмэл, бүтээгдэхүүнийг урт хугацаанд тогтмол хэрэглэхийг зөвлөдөггүй. Эл ургамлыг “тураах бэлдмэл” бус өтгөн хатах үед туулга хэлбэрээр ашиглаж ирсэн ба энэ төрлийн ургамлын зүйлийг туулгын эмд ашигладаг байна. Урт хугацаанд хэрэглэх нь эрүүл мэндэд ноцтой эрсдэл учруулж болзошгүй. Шалгасан мэдээлэлд жин хасах зориулалттай ургамлын гаралтай цай мэт төөрөгдүүлсэн сурталчилгаа хийжээ. Ингэхдээ зөвхөн богино хугацааны эерэг нөлөөг дурдаж, сөрөг, гаж нөлөөг огт тайлбарлаагүй байна.
“Kanprox” гэх баталгаагүй бүтээгдэхүүнийг “элэгний өвчний эмчилгээ” мэтээр сурталчилж байна
Саяхан нээгдсэн, найдваргүй хуудаснаас “Kanprox” гэх баталгаагүй бүтээгдэхүүнийг “Элэгний өвчнийг эдгээх япон бүтээгдэхүүн, FDA-аар баталгаажсан” зэргээр хуурамчаар сурталчилж, хэрэглэгчийг төөрөгдүүлж байна.