Сөрөг нөлөө ихтэй “мөнгөжүүлсэн ус”-ыг аюулгүй мэтээр сурталчлан, борлуулж байна
“Мөнгөжүүлсэн ус” нь бөөр, элэгний гэмтэл үүсгэх, төв мэдрэлийн системийг гэмтээх, саа өвчин үүсгэх аюултай тул ууж, залгиж огт болохгүй. Мөн аргироз /арьс хөхрөх эмгэг/ үүсэж, насан туршдаа арилахгүй. Түүнчлэн Монгол Улсын Эм, эрүүл мэндийн нэмэлт бүтээгдэхүүний бүртгэлд байхгүй.
Хиймэл алимны бичлэгийг төөрөгдүүлсэн агуулгатайгаар түгээж байна
Шалгасан бичлэг нь жинхэнэ алим биш хиймэл алим будаж буй бичлэг юм.
2017 оны хуурамч бүтээгдэхүүний бичлэгээр төөрөгдүүлсэн мэдээлэл түгээжээ
Шалгасан бичлэгт хуурамч Кока Кола гэж мэдээлсэн боловч бичлэгт Budweiser шар айргийн лааз байна. Мөн Хятад дахь Budweiser-ийн борлуулалтын компани тус бичлэгийг хуурамч үйлдвэрийнх хэмээн мэдэгдэж, цагдаад хандан шаардлагатай арга хэмжээ авна гэдгээ зарлажээ.
“B Nice 7 Green” тураах цайны талаар албан ёсны мэдээлэл, эрүүл мэндэд үзүүлэх нөлөөллийн судалгаа байхгүй байна
“B Nice 7 Green тураах цай нь Туркийн Dr.Poin 7 Green бүтээгдэхүүний патентлуулсан хэлбэр” гэж мэдээлсэн боловч эрүүл мэндийн байгууллагын зөвшөөрөл, сертификат, үйлдвэрлэгч компанийн мэдээлэл зэрэг баталгаажуулах мэдээлэл огт байхгүй, зөвхөн сурталчилгааны нүүр байна.
Үе мөчний өвчин намдаах наалт үений шингэн нөхөж эмчлэхгүй
Үе мөчний өвчин намдаах наалт нь үений шингэн нөхөж, яс ургалтыг зогсоох эмчилгээнд хэрэглэх судалгаа байхгүй. Мөн сурталчилж буй бүтээгдэхүүний албан ёсны сайтад тус бүтээгдэхүүнийг ямар нэг архаг өвчин эмчлэх бүтээгдэхүүн биш гэдгийг анхааруулсан.
Чихрийн шижинг эмчлэх хуурай сүүн бүтээгдэхүүн хэмээн ХУУРАМЧ бүтээгдэхүүн сурталчилж байна
Тайландын Хүнс, Эмийн захиргаанаас гаргасан Вьетнамын хуурамч бүтээгдэхүүний жагсаалтад “Gluzextra Gold” бүтээгдэхүүн орсон ба хэрэглэхгүй байхыг зөвлөжээ. Мөн тус бүтээгдэхүүний албан ёсны сертификат нь өөр, өөр компанийнх байна. Иймд хуурамч сурталчилгаа бүхий бүтээгдэхүүн дур мэдэх хэрэглэхээс зайлсхийж заавал эмчид хандаарай.