Тээврийн хэрэгслийн даатгалыг сайн дураар хийлгэдэг тул торгууль ногдуулахгүй
2025 оны 7 дугаар сарын 9-ний өдөр батлагдсан Зөрчлийн тухай хуулийн нэмэлт өөрчлөлтөөр “Жолооч нь жолоочийн даатгалд даатгуулалгүйгээр тээврийн хэрэгслээ ашиглан замын хөдөлгөөнд оролцсон бол хүнийг нэг зуун нэгжтэй тэнцэх хэмжээний төгрөгөөр торгоно” гэж заасан байна. Үүнийг жолооч сайн дурын үндсэн дээр даатгуулах “тээврийн хэрэгслийн даатгал” хэмээн төөрөгдүүлсэн мэдээлэл түгээжээ.
ГХЯ: Бельги улсад нас барсан Монгол Улсын иргэний талаар мэдээлэл ирээгүй
Монгол Улсын иргэн Г.Ган-Очирыг гаднын улсад нас барсан тухай мэдээлэл ирээгүй талаар ГХЯ-аас мэдээлсэн бол ЦЕГ-аас өнгөрсөн наймдугаар сард баригдсан гэх мэдээлэлтэй байгаагаа хэллээ.
Электрон тамхи нь “тамхи” болон “цахилгаан бараа”-ны 2 бүлэгт ангилагддаг ба онцгой албан татвар төлдөггүй
Тамхины хяналтын тухай хуулийн шинэчилсэн найруулгын төсөлд электрон тамхинд янжуур тамхитай ижил хэмжээний татвар ногдуулахаар заасан талаарх мэдээлэл өгөхдөө “цахилгаан барааны бүлэгт ангилж, татвар төлдөггүй” гэсэн гишүүдийн хэлсэн үгийг ерөнхий агуулгаар нь гуйвуулж тайлбарлажээ. Электрон тамхины нэг удаагийн хэрэглэдэг төрлийг янжууртай ижил 2404 эхлэлтэй кодоор бүртгэдэг ч татварын зохицуулалт нь өөр байна. Харин олон удаа хэрэглэдэг цахилгаанаар цэнэглэдэг төрлийг нь цахилгаан барааны 85 тоот бүлэгт 8543-аар эхэлсэн кодоор бүртгэдэг байна. Мөн электрон тамхийг НӨАТ-ын 10 хувийг төлөөд явж байгаа гэсэн нь гаалийн албан татвар болох 5 хувийг орхигдуулсан мэдээлэл байна.
“Тамхины хяналтын тухай хууль”-д нэмэлт, өөрчлөлт оруулах төсөлд зөвхөн электрон тамхи биш, янжуурт ч хориглох заалт бий
УИХ-ын есөн гишүүн “Тамхины хяналтын тухай хууль”-д нэмэлт, өөрчлөлт оруулах хүрээнд бүх төрлийн тамхи болон электрон тамхи, цэнэглэх шингэнд үнэр, амт оруулах бодис нэмэхийг хориглох талаар тусгасан. Үүнийг “янжуур тамхийг биш янжуурыг орлож болох бүх хаувилбарыг хорихоор ажиллаж байна” гэж төөрөгдүүлсэн мэдээлэл түгээжээ.
Цагдаа, дотоод цэргийн байгууллагад нийтийн хэв журам сахиулах 4,000 гаруй алба хаагч ажилладгийг ЦЕГ-аас мэдээлсэн
ЦЕГ-ын мэдээлснээр 5,000 орчим гэмт хэрэг, зөрчил шалгах эрх бүхий албан тушаалтан болон 4,000 гаруй хэв журам сахиулах алба хаагч ажиллаж байна.
Ерөнхийлөгч У.Хүрэлсүх “Үндсэн хуульд өөрчлөлт оруулахгүй, парламентын засаглал бол ард түмний үнэт зүйл” гэж мэдэгдсэн
2025 оны 5-р сарын 29-нд Ерөнхийлөгч У.Хүрэлсүх албан ёсны байр сууриа илэрхийлж, Үндсэн хуульд нэмэлт өөрчлөлт оруулах болон Ерөнхийлөгчийн засаглалд шилжихийг дэмжихгүй, парламентын засаглалыг бэхжүүлэх нь зүйтэй гэж мэдэгдсэн