Эдийн засгийн тусгай бүсийн тухай хуулийн төслийн заалтыг буруугаар тайлбарлаж, гол агуулгыг орхигдуулжээ
Шалгасан мэдээлэлд “Эдийн засгийн тусгай бүсийн тухай хууль”-ийн төслийн заалтыг бүрэн тайлбарлалгүй, гол агуулгыг орхигдуулж, “Хятад улсын иргэд визгүй Монголд зорчих хуулийн төсөл” гэж буруугаар тайлбарлажээ. Чөлөөт бүстэй хил залгаа улсын иргэд 30 хүртэлх хоногоор визгүй зорчих боломжтой ч Монгол Улсын бусад нутаг дэвсгэрт нэтрэхдээ виз шаардлагатай бол хуулийн даруу виз мэдүүлж, зорчих юм.
Дугаарын хязгаарлалт зөрчсөн торгуулийг төлөхгүй байх боломжтой мэтээр төөрөгдүүлжээ
“Тэгш, сондгой дугаарын хязгаарлалтыг зөрчсөн торгуулийг төлөхгүй гэж шүүхэд хандвал шууд ялна, хэмээн төөрөгдүүлсэн мэдээлэл түгээжээ. “Тэгш, сондгой дугаараар зорчих” зэрэг замын хөдөлгөөний хязгаарлалт тогтоох эрхийг Замын хөдөлгөөний аюулгүй байдлын тухай хуулиар Нийслэлийн Засаг даргад олгожээ.
“Монголын газар нутгийн 1/3-г сонгон шалгаруулалтаар зарахаар нээлээ” гэх мэдээлэл төөрөгдүүлсэн
07 дугаар сарын 30-наас эхлэн газрын тосны хайгуул хийх хүсэлтэй дотоод, гадаадын компаниудыг сонгон шалгаруулалтад хүсэлтээ ирүүлэх зар оруулсныг “сонгон шалгаруулалтаар зарах гэж байна” гэж төөрөгдүүлсэн байна. Газрын тосны хайгуул хийх талбаын хэмжээ 286,270 км² буюу Монголын 1,564,116 км² газар нутгийн ойролцоогоор 1/5 байна.
Зөөвч-Овоо ордын уран ашиглалтын лизензийг 2015 онд авсан ба туршилтын олборлолтыг 2021 онд хийжээ
Монголд уран олборлолт явуулах “Бадрах Энержи” ХХК нь 2015 оны 06 дугаар сард “Дулаан-Уул, Зөөвч-Овоо ураны ордыг хамарсан ашиглалтын гурван тусгай зөвшөөрөл авсан бөгөөд 2021-2022 оны хооронд “Зөөвч-Овоо” ордын талбайд уран олборлох үйлдвэрлэлийн туршилтыг хийж 10 гаруй тонн уран олборлох үед хайгуулын биш ашиглалтын лицензтэй байсан.
“Цахим орчинд хараалын үг ашигласан иргэдийг торгоно” гэх худал мэдээллийг дахин түгээж байна
2021 оны 06 дугаар сард цахим орчинд түгж байсан “07 дугаар сарын 1-нээс эхэлж цахим орчинд хараалын үг ашигласан иргэдийг торгоно” гэх худал мэдээллийг дахин түгээж байна.
Хууль бусаар олж авсан ₮70.6 саяыг хурааж, нэмээд 50 сая төгрөгөөр торгох, мөн хорих ял оноосон
Энэ хэрэгт холбогдсон хүмүүст шүүхээс хууль бусаар олж авсан 70.6 сая болон 117,9 сая төгрөгийг тус тус гаргуулж улсын орлого болгоод, нийтийн албан томилогдох эрхийг хасах, хорих ял зэргийг оноосон байна.