Эдийн засгийн тусгай бүсийн тухай хуулийн төслийн заалтыг буруугаар тайлбарлаж, гол агуулгыг орхигдуулжээ
Шалгасан мэдээлэлд “Эдийн засгийн тусгай бүсийн тухай хууль”-ийн төслийн заалтыг бүрэн тайлбарлалгүй, гол агуулгыг орхигдуулж, “Хятад улсын иргэд визгүй Монголд зорчих хуулийн төсөл” гэж буруугаар тайлбарлажээ. Чөлөөт бүстэй хил залгаа улсын иргэд 30 хүртэлх хоногоор визгүй зорчих боломжтой ч Монгол Улсын бусад нутаг дэвсгэрт нэтрэхдээ виз шаардлагатай бол хуулийн даруу виз мэдүүлж, зорчих юм.
Дугаарын хязгаарлалт зөрчсөн торгуулийг төлөхгүй байх боломжтой мэтээр төөрөгдүүлжээ
“Тэгш, сондгой дугаарын хязгаарлалтыг зөрчсөн торгуулийг төлөхгүй гэж шүүхэд хандвал шууд ялна, хэмээн төөрөгдүүлсэн мэдээлэл түгээжээ. “Тэгш, сондгой дугаараар зорчих” зэрэг замын хөдөлгөөний хязгаарлалт тогтоох эрхийг Замын хөдөлгөөний аюулгүй байдлын тухай хуулиар Нийслэлийн Засаг даргад олгожээ.
“Н.Түвшинбаяр Ерөнхийлөгчөөс уучлал хүссэн” гэх мэдээлэл худал
ЕТГ-аас Н.Түвшинбаяр уучлал хүссэн гэх мэдээллийг үгүйсгэж, худал болохыг мэдээлсэн. Харин шалгасан мэдээлэлд зохиомол захидлын агуулгыг дурдаж, хуурамч мэдээллээр хэрэглэгчдийг төөрөгдүүлж байна.
2016 онд болсон Солонгосын ерөнхийлөгчийг огцруулах жагсаалын үеийн зургийг төөрөгдүүлсэн тайлбартай түгээжээ
Шалгасан мэдээлэлд хавсаргасан зураг нь бензиний үнийн өсөлттэй холбоотой жагсаалын зураг биш, харин 2016 онд Өмнөд Солонгосын Ерөнхийлөгч Пак Гын Хэг албан тушаалаа урвуулан ашигласан хэргээр огцрохыг шаардсан олон нийтийн жагсаалын үеийн зураг байна. Түүнчлэн БНСУ-д 1997-1198 оны хооронд бензиний үнэ огцом өссөн боловч үүнтэй холбоотойгоор иргэдийн томоохон жагсаал, эсэргүүцэл өрнөсөн талаар мэдээлэл байхгүй байна.
“Монголын газар нутгийн 1/3-г сонгон шалгаруулалтаар зарахаар нээлээ” гэх мэдээлэл төөрөгдүүлсэн
07 дугаар сарын 30-наас эхлэн газрын тосны хайгуул хийх хүсэлтэй дотоод, гадаадын компаниудыг сонгон шалгаруулалтад хүсэлтээ ирүүлэх зар оруулсныг “сонгон шалгаруулалтаар зарах гэж байна” гэж төөрөгдүүлсэн байна. Газрын тосны хайгуул хийх талбаын хэмжээ 286,270 км² буюу Монголын 1,564,116 км² газар нутгийн ойролцоогоор 1/5 байна.
Ц.Элбэгдоржийг хүн худалдаалах хэргээр бус, авлигын хэргийг сэргээн яллагдагчаар татсан
Ерөнхийлөгч асан Ц.Элбэгдоржийг яллагдагчаар татан шалгаж байсан авлигын гэмт хэргийг хилээр гарч явсан тул түдгэлзүүлсэн бөгөөд эргэн ирэхэд нь НПГ-ын 07 дугаар сарын 9-ны тогтоолоор сэргээн шалгаж эхэлсэн байна. Харин үүнийг “хүн худалдаалах” гэмт хэрэгт холбоотой мэтээр “хүүхдүүд байхгүй, Эпштейнд өгчихөж” гэх мэтээр гуйвуулан ярьж, ташаа мэдээлэл түгээжээ.