Талбай дээр өөрийгөө шатаахыг оролдсон эрэгтэйн биед гэмтэл учраагүй, хэргийг СБД-ийн Цагдаагийн I хэлтэст шалгаж байна
Талбай дээр эрэгтэй хүн өөрийгөө шатаахыг оролдсон бөгөөд биед нь гэмтэл учраагүй тул шүүх эмнэлэгт үзүүлэх шаардлагагүй гэжээ. Одоо СБД-ийн Цагдаагийн I хэлтэст хэргийг шалгаж байна.
Агаар бохирдуулагч PM 2.5 цусны улаан эсээр дамжиж дотор эрхтнүүдэд сөргөөр нөлөөлдөг
2025 онд шинжлэх ухааны сэтгүүлд нийтэлсэн “Замын хөдөлгөөнөөс үүдэлтэй тоосонцор бодисууд хүний цусны улаан эсэд наалдах үйл явц” гарчигтай судалгааны үр дүнд тээврийн хэрэгслийн утаа, тоормос болон дугуйны элэгдлээс үүсдэг PM2.5 тоосонцор уушгиар дамжин цусанд орж, улмаар цусны улаан эсүүдэд наалдаж байгааг тогтоосон байна.
Цэнэглэх боломжтой цахилгаан машиныг дугаарын хязгаарлалтаас чөлөөлнө
Хосолмол хөдөлгүүрт приус, акуа гэх мэт энгийн гибрид машин нь цэнэглэх боломжгүй бөгөөд Засгийн газраас гаргасан ногоон тогтоолд хамаарахгүй. Учир нь дээрх “ногоон” тогтоолд зөвхөн бүрэн цахилгаан, туулах зайг нь уртасгасан цахилгаан автомашин (EREV), залгуурт гибрид цахилгаан автомашин (PHEV) ангиллын автомашин хамаарах юм. Харин шалгасан мэдээлэлд хосолмол хөдөлгүүртэй, цэнэглэдэггүй энгийн гибрид машиныг дугаарын хязгаарлалтаас чөлөөлнө гэх төөрөгдүүлсэн мэдээлэл түгээжээ.
2025-2026 оны амиа хорлолтын үзүүлэлтийг тооцоолсон албан ёсны статистик гараагүй байна
“2025-2026 оны амиа хорлолтын үзүүлэлтээр Монгол улс 28.1 үнэлгээтэй Азид 2-т орж байна” гэсэн төөрөгдүүлсэн агуулгатай мэдээлэл түгээжээ. 2021 оны ДЭМБ-ын амиа хорлолтын статистик үзүүлэлтээр манай улс 18.5 гэсэн түвшинтэй, дэлхийд 14, азид 2-т эрэмбэлэгдэж байжээ. Уг дата үзүүлэлтээс хойш дэлхий даяарх амиа хорлолтын түвшнийг шинэчлэн нэгтгэж, албан ёсоор нийтэлсэн статистик мэдээлэл одоогоор гараагүй байна.
“ОХУ бензиний экспортыг бүрэн хориглолоо” гэх мэдээлэл бүрэн бус
ОХУ-ын Шадар сайд Александр Новак бензиний экспортод хориг тавих шийдвэр боловсруулахыг Эрчим хүчний яаманд даалгаж, 03 дугаар сарын 30-нд бензин экспортын бүрэн хоригийг хэрэгжүүлэхээр шийдвэрлэсэн. Харин ОХУ-ын Автобензиний экспортын хоригт Монгол улс хамаарахгүйг Аж үйлдвэр, эрдэс баялгийн яамнаас мэдэгдсэн байна.
“Туулын хурдны замыг иргэд 80 хувьтай дэмжиж байна” гэх албан ёсны судалгаа байхгүй
“Туул хурдны замыг иргэдийн 80 хувь нь дэмжиж байна” гэх мэдээлэл албан ёсны судалгааны бодит үр дүн бус нийгмийн сүлжээнд оруулсан санал асуулгаас үндэслэн мэдээлсэн тул төөрөгдүүлэх эрсдэлтэй.