Терпен агуулсан үнэртэй бүтээгдэхүүн агаарт тоосонцор үүсгэдэг ба эрүүл мэндэд ямар эрсдэл учруулахыг судлах шаардлагатай
Үнэр гаргах зорилгоор тусгай хэрэглүүр ашиглан хайлуулдаг лав төдийгүй терпен агуулсан үнэртүүлэгчүүд нь дотоод орчин дахь агаарын озонтой урвалд орж, нано бөөм үүсгэдэг ба амьсгалын замаар дамжиж хүний биед сөргөөр нөлөөлөх магадлалтай. Гэхдээ яг ямар төрлийн өвчин үүсгэх эрсдэлтэйг бүрэн тогтоогоогүй. Үүнийг үргэлжлүүлэн судалж, илүү нарийн тогтоохоор ажиллаж байгааг судалгаандаа дурджээ.
“Сар бүр үсээ будсанаас бөөр нь өвдсөн байж болзошгүй” гэж эмч нар таамагласныг хэтрүүлэн мэдээлжээ
Үсний будаг нь олон төрлийн химийн бодис агуулдаг бөгөөд эдгээр бодис хүний биед арьсаар шингэх эсвэл агаарт ууршин амьсгалаар дамжин бие махбодод сөрөг нөлөө үзүүлэх эрсдэлтэй байна. Гэхдээ одоогоор хийгдсэн клиник судалгаагаар PPD-ын хордлого ихэвчлэн санамсаргүй залгиснаар үүсдэг бөгөөд нүүр, хүзүүний хаван, хурц бөөрний дутагдал зэрэг шинж тэмдгээр илэрдэг. Харин арьсаар дамжин бөөрний шууд гэмтэл үүсгэх нь харьцангуй цөөн тохиолддог байна.
Үнэртэй ус нимгэн арьсанд түрхсэнээр шууд “цус руу орж” хавдарын эрсдэл болохгүй, гэхдээ байнга хэтрүүлэн хэрэглэх нь муу
2022 онд Олон улсын үнэртний холбоо (IFRA) 3,619 найрлагыг багтаасан Ил тод байдлын жагсаалт гаргасан бөгөөд найрлага дахь бүх бодис хортой гэсэн нотолгоо байхгүй. Гэхдээ фталат, синтетик муск зэрэг зарим бодис дааврын тогтолцоонд сөрөг нөлөө үзүүлэх эрсдэлтэйг судалгаагаар онцолсон байна.