Search

Ерөнхийлөгч асан Ц.Элбэгдорж болон Ч.Лодойсамбуу нар саунд хамт сууж байгаа зураг эвлүүлэг 

#FactCheckedByMFCC | Шалгасан кэйсийн дугаар 993

Checked by: MFCC

Ерөнхий агуулга

Ерөнхийлөгч асан Ц.Элбэгдорж болон Ардчилсан намаас нэр дэвшигч Ч.Лодойсамбуу нар саунд сууж буй гэх зургийг түгээжээ.

Баримт шалгалтын үр дүн

2011 онд Бээжин дэх саунд авсан зургийг ашиглан ерөнхийлөгч асан Ц.Элбэгдорж болон Ч.Лодойсамбуу нарын царайг эвлүүлэн саунд хамт сууж байсан гэх зургийг бүтээжээ.

Ардчилсан намаас нэр дэвшигч Ч.Лодойсамбуу болон ерөнхийлөгч асан Ц.Элбэгдорж нар цээж нүцгэн сууж буйг харуулсан зураг Фейсбүүкт түгэн өндөр хандалт аваад байна (энд, энд бас энд). Бид зургийн эх сурвалжийг хайхад хамгийн анх “Зангуу” гэх хаяг 2024 оны 06 дугаар сарын 11-ний 23:54 минутад нийтэлсэн байна. Тус постыг “USA Chinatown азарга Эби банди Лодойсамбуу” гэх тайлбартай түгээсэн ба зурагт нүдний шилтэй Лодойсамбуу камер руу харан инээж байгаа харагдах бол цаана нь нүдний шилтэй ерөнхийлөгч асан Элбэгдорж алчуур нөмрөн сууж буй харагдана.  

Хэдийгээр энэ зураг нь бодит мэт харагдаж болох ч огт хамааралгүй хоёр хүний нүүрэнд Элбэгдорж, Лодойсамбуу нарыг царайг эвлүүлснийг гярхай нүдээр ажиглаж болно. 

Бид ашигласан зураг буюу саунд сууж байгаа гэх зургийн эх сурвалжийг зургаар хайхад энэ зураг нь 2012 онд spabusiness.com гэсэн вэбсайтад нийтлэгдэж байсныг тогтоосон ба онлайн зургийн цуглуулгын вэбсайт Getty Images-т мөн оруулж байсыг тогтоосон.

Саунд сууж буй хүмүүсийг харуулсан зургийн Getty Images дахь тайлбарт 2011 оны 03 дугаар сарын 22-нд авч “Бээжин дэх хятад саунд хүмүүс амарч байгааг харуулсан” болохыг тэмдэглэсэн байна.

Дээрх зургийг бидний шалгасан зурагтай харьцуулж харвал, зөвхөн сууж буй хоёр хүний царайг сольж, Ц.Элбэгдорж, Ч.Лодойсамбуу нарын царайг эвлүүлсэн байхаар харагдаж байна.

Үргэлжлүүлэн бид зурагт эвлүүлэг орсон эсэхийг шалгахаар зураг шалгагч Mever хэрэглүүрийг ашиглахад сууж буй хүмүүсийн нүүрэн хэсэг улаан өнгөөр тодорсон нь эвлүүлэг орсон болохыг харуулж байгаа бөгөөд зохиомол зураг байх магадлал нь 98%-тай гарлаа.

Саунд сууж буй хүмүүсийн зураг нь ерөнхийлөгч асан Ц.Элбэгдорж болон нэр дэвшигч Ч.Лодойсамбуу нарынх биш харин Бээжингийн саунд 2011 онд сууж байсан өөр хүмүүсийн зураг аж.


Аливаа мэдээллийг хуваалцахаасаа өмнө #ЭхлээдБод #Think1st


Та бүхэн манай төвийн баримт нягталсан мэдээтэй холбоотой аливаа санал хүсэлт, залруулга хийлгэх болон бусад санал гомдлоо редакторын hello@mfcc.mn имэйл хаягаар ирүүлнэ үү.

Leave a Reply

Your email address will not be published. Required fields are marked *

Хуваалцах

Бид Олон Улсын Баримт Шалгагчдын Сүлжээ (International Fact-Checking Network)-ний ёс зүйн кодын дагуу аливаа мэдээллийг баримтаар баталгаажуулан шалгадаг. Баримтаар шалгасан мэдээллээ #ҮНЭН, #ХУДАЛ, #ТӨӨРӨГДҮҮЛСЭН, #БҮРЭН БУС, #ЭВЛҮҮЛЭГ, #ЕГӨӨДӨЛ гэсэн зургаан төрлөөр ангилж, олон нийтэд үнэн бодит мэдээлэл түгээн ажиллаж байна.

Check document