Стандартын дагуу лаазалсан шпротоос амьд өт, бичил биет гарч ирэх боломжгүй

#FactCheckedByMFCC | Шалгасан кэйсийн дугаар #981

Checked by: MFCC

Ерөнхий агуулга

“Лаазласан шпрот” гэх тексттэй лаазалсан загасны махыг микрософоор харахад бичил биет, өт байгаа мэт бичлэг түгээжээ.

Баримт шалгалтын үр дүн

Стандартын дагуу үйлдвэрлэгдсэн бүтээгдэхүүнд шалгасан бичлэгт гарч буй шиг амьд бичил биет байх боломжгүй юм.

2024 оны тавдугаар сраын 25-нд Gaihaltai Shinee гэх хаягаас “Шпрот доторх авул” гэх тайлбартайгаар лаазалсан загасны махыг микроскопоор харж буй бичлэгийг түгээжээ. Тус бичлэг нь нийт 5,900 гаруй реакц, 315 сэтгэгдэл авч, 4,900 гаруй удаа цааш түгээгдэж, 1,7 сая гаруй хэрэглэгч үзжээ.

Шалгасан бичлэгийн эх хувилбар нь @justmicroscope TikTok хаягт 2024 оны тавдугаар сарын 21-нд  нийтлэгджээ. Тус хаягт олон төрлийн бүтээгдэхүүнийг микроскопоор харж буй бичлэгийг оруулдаг. Бүх бичлэг нь ижил бөгөөд микроскопоор харж буй бүтээгдэхүүн бүрд паразит, хорхой шавж байгаа нь эргэлзээ төрүүлж буй. Шалгасан бичлэгт лаазалсан лацтай бүтээгдэхүүн задалж байгаа бөгөөд бичлэгийн эхлэл хэсэгт цагаан өнгийн урт зүйл татан гаргаж байгаа нь загасны яс харагдаж байна.

@Eater youtube сувагт 2024 оны нэгдүгээр сарын 1-нд  лаазалсан загас хэрхэн хийгддэг тухай шатлал бүрийг харуулсан бичлэгийг оруулжээ. Тус бичлэгт шинэ сардин загасыг цэвэрлэж, 110 градуст 7-12 минут болгоод лаазалдаг. Лаазалсныхаа дараа ариутгах явц 1.5 бар даралттай, 112 градуст 50 минут үргэлжилдэг бөгөөд энэ нь хүнсний аюулгүй байдлын зохицуулалтын хамгийн чухал хэсэг болох бичил биетнийг устгах, ариутгах үйл явц хэмээжээ. Мөн @factora youtube сувагт орсон лаазалсан загасны үйлдвэрлэлийн явцыг харуулсан бичлэгт ч ариутгалын явцыг дурджээ.

Стандартын дагуу үйлдвэрлэгдсэн бүтээгдэхүүнд шалгасан бичлэгт гарч буй шиг амьд бичил биет байх боломжгүй юм.

НҮБ-ын Хүнс, Хөдөө Аж Ахуйн Байгууллагаас 2013 онд гаргасан загас лаазлах техникийн зааварчилгаа дугаар гуравт:

  • Загасны бүтээгдэхүүний рН нь 4.5-аас дээш байдаг тул эмгэг төрүүлэгч бичил биетний өсөлтийг дэмждэг. Халуунд хамгийн тэсвэртэй эмгэг төрүүлэгч нь спор үүсгэгч бичил биетэн Clostridium botulinum юм. Тиймээс энэ организмыг устгахын тулд дулааны процессыг бий болгодог.
  • Лаазалсан бүтээгдэхүүний ариутгал, дулааны процесс  ихэвчлэн 121.1 градуст явагддаг бөгөөд дараах минутад бичил биетнүүд устдаг хэмээн оруулжээ.

Жишээлбэл, 10зэрэгт Clostridium botulinum  бичил биетэн 121.1 градуст 0.23минут байхад 103 болтлоо буурна гэж тооцоолж болно.

Эх сурвалж: НҮБ-ын Хүнс, Хөдөө Аж Ахуйн Байгууллагаас 2013 онд гаргасан загас лаазлах техникийн зааварчилгаа

НҮБ-ын Хүнс, Хөдөө Аж Ахуйн Байгууллагаас гаргасан хүнс, хүнсний үйлдвэрлэл, хүнсний шошго, хүнсний аюулгүй байдалтай холбоотой олон улсад хүлээн зөвшөөрөгдсөн стандарт, практик дүрэм, заавар болон бусад зөвлөмжийн цуглуулга болох Codex Alimentarius-ийн лаазалсан сардин болон сардин төст бүтээгдэхүүний стандарт CXS 94-1981-д шпрот загасыг сардины төрлийн бүтээгдэхүүний жагсаалтад оруулсан байна. Тус стандартад лаазалсан бүтээгдэхүүн, ариутгагдаж мөн бичил биет байх ёсгүй хэмээн заасан байна. Тодруулбал, 5.2-т “Бүтээгдэхүүн нь хүнсний бүтээгдэхүүнтэй холбоотой микробиологийн шалгуурыг тогтоох, хэрэглэх зарчим, удирдамжийн (CAC/GL 21-1997) дагуу тогтоосон микробиологийн аливаа шалгуурыг хангасан байх ёстой” хэмээжээ. Мөн 5.3-т

  • хадгалалтын хэвийн нөхцөлд хөгжих чадвартай бичил биетэнгүй байх;
  • ямар ч дээж нь 100 грамм тутамд 20 мг-аас их гистамин агуулсан байх ёсгүй;
  • Кодексийн Алиментариус Комиссоос тогтоосон стандартын дагуу эрүүл мэндэд аюул учруулж болзошгүй хэмжээгээр бичил биетнээс гаргаж авсан бодисыг багтаасан бусад бодис агуулаагүй байх;
  • битүүмжлэлийг эвдэж болзошгүй савны бүрэн бүтэн байдлын согогоос ангид байх ёстой гэжээ.

Монгол Улсын Стандарт, хэмжил зүйн газраас гаргасан Загас, загасан бүтээгдэхүүн, Сардин болон сардины төрлийн загасны лаазалсан бүтээгдэхүүний стандартад эрүүл ахуйн шаардлагад:

“5.2 Бүтээгдэхүүн нь гадны ямар нэгэн бохирдолгүй байна

5.3 Зохих аргаар дээж авч шинжлэн шалгахад бүтээгдэхүүн нь дараах шаардлагыг хангасан байх

  • а.Хадгалалтын ердийн нөхцөлд амьдрах чадвартай бичил биетэн байж болохгүй
  • б. Хүний эрүүл мэндэд харшлах нянгийн хор агуулаагүй” хэмээн оруулжээ.

Эх сурвалж: Стандарт, хэмжил зүйн газар  


Аливаа мэдээллийг хуваалцахаасаа өмнө #ЭхлээдБод #Think1st


Та бүхэн манай төвийн баримт нягталсан мэдээтэй холбоотой аливаа санал хүсэлт, залруулга хийлгэх болон бусад санал гомдлоо редакторын hello@mfcc.mn имэйл хаягаар ирүүлнэ үү.

Leave a Reply

Сэтгэгдэл үлдээх

Check document