2024 онд Чингис хаан олон улсын нисэх буудал нь үйлчилгээний стандарт, тав тух, цэвэр цэмцгэр байдал, дэлгүүр, хоол унд болон терминалын байгууламжаараа “Skytrax“-ын 4 одын батламжийг авчээ. “Skytrax” нь нисэх буудал, нислэгийн авиа компаниуд болон нисэх буудлын лонж зэргийг эрэмбэлж, 1-5 хүртэлх одын үнэлгээ өгдөг байгууллага юм.
“Skytrax“-ын дөрвөн одтой 89, таван одтой 22 нисэх буудал байдаг нь нийтдээ 111 нисэх буудал болж байна. Үүнийг “Чингис хаан олон улсын нисэх онгоцны буудал дэлхийн шилдэг 100 нисэх буудлын тоонд багтжээ” хэмээн ташаа мэдээлжээ.
“Skytrax“-аас “Дэлхийн шилдэг 100” нисэх буудлын жагсаалтыг гаргадаг ба үүнийгээ үйлчлүүлэгчдээс авсан судалгаагаар тодруулдаг байна.
2024 он энэхүү жагсаалтад Чингис хаан олон улсын нисэх буудал багтаагүй аж.
Зурагт жагсаалтын эхний 10 нисэх буудал болон Монгол гэх хайлтаар илэрцгй байгааг харууллаа
- Дөрвөн од авах нь жагсаалтад орох шалгуур биш, үйлчлүүлэгчдийн санал чухал байдаг ажээ.
4 одтой Чингис хаан олон улсын нисэх онгоцны буудал дэлхийн шилдэг 100 нисэх буудлын жагсаалтад багтаагүй. Гэтэл 3 одтой Лисбоны нисэх буудал “Дэлхийн шилдэг 100” жагсаалтын 90 дүгээр байрт байгаа зэргээс харвал энэхүү жагсаалтыг гаргахад нисэх буудлын одын хэмжээ хамааралгүй ажээ.
