“Монгол охин тогоочийн шоунд түрүүлжээ” гэх бичлэгт гарсан эмэгтэй Тайланд гаралтай Австралийн иргэн

#FactCheckedByMFCC | Шалгасан кэйсийн дугаар 975

Шалгасан: MFCC
2024-05-23

Checked by: MFCC

Ерөнхий агуулга

“Монгол эмэгтэйн сэтгэсэн хоол” гэх тайлбартай, “Монгол охин тогоочийн шоунд түрүүлжээ” гэх хадмалтай бичлэг түгээжээ

Баримт шалгалтын үр дүн

Бичлэгт гарч буй эмэгтэй бол энэ оны “MasterChef Australia” шоуны оролцогч, Тайланд гаралтай Австралийн иргэн

2024 оны 5 дугаар сарын 23-ны өдөр DMNN Korea нэртэй Фейсбүүк пэйж “Монгол эмэгтэйн сэтгэсэн хоол” гэх тайлбартай, “Монгол охин тогоочийн шоунд түрүүлжээ” гэх хадмалтай бичлэг түгээсэн нь нэгэн эмэгтэй хийсэн хоолоо тогооч нарт шалгуулж буйг харуулжээ. Тус бичлэг нь нийт 10 мянга гаруй реакц авч, 1 мянга гаруй удаа цааш түгээгдэж, 367 мянга гаруй хэрэглэгч үзсэн байна.

FACTCHECK: Бид дараах байдлаар баримт шалгалт хийлээ

Бид бичлэгт гарч буй эмэгтэйг Гүүгл хайлтын системд зургаар хайхад Австралид төрж өссөн Тайланд гаралтай “Nat Thaipun” гэх нэртэй эмэгтэй болох нь харагдлаа.

Тэрээр 2024 оны 4 дүгээр сарын 22-ны өдөр эхэлсэн Австралийн “MasterChef” нэртэй шоуны оролцогчдын нэг аж. Уг шоу нь үргэлжилж байгаа бөгөөд дараагийн дугаар нь 5 дугаар сарын 26-ны өдөр олон нийтэд цацагдана. Иймд түгээсэн бичлэгт агуулсан “Монгол эмэгтэйн сэтгэсэн хоол” болон “Монгол охин тогоочийн шоунд түрүүлжээ” гэх мэдээлэл худал болох нь харагдаж байна.

Та эх бичлэгийг уг шоуны албан ёсны Фейсбүүк хуудас болох “MasterChef Australia”-ийн 2024 оны 4 дүгээр сарын 22-ны өдөр нийтэлсэн постоос үзэж болно.

Цахим орчинд зураг, бичлэгийн гарчгийг өөрчлөн, гуйвуулан, төөрөгдүүлж хандалт авах явдал түгээмэл байдаг бөгөөд үүнтэй төстэй манай баримт шалгалтыг эндээс, мөн цахим орчинд зураг, бичлэгээр хэрхэн хайлт хийхийг эндээс үзээрэй.

Аливаа мэдээллийг хуваалцахаасаа өмнө #ЭхлээдБод #Think1st

Та бүхэн манай төвийн баримт нягталсан мэдээтэй холбоотой аливаа санал хүсэлт, залруулга хийлгэх болон бусад санал гомдлоо редакторын hello@mfcc.mn имэйл хаягаар ирүүлнэ үү.

ЭХ СУРВАЛЖ, ХОЛБООТОЙ НИЙТЛЭЛҮҮД

Шалгасан мэдээлэл

Эх сурвалжууд

“MasterChef Australia” шоуны албан ёсны Фейсбүүк хуудас

“MasterChef Australia” шоунд оролцогчдын танилцуулга (Nat Thaipun)

Түгээсэн бичлэгийн эх хувилбар

Хуваалцах

Бид Олон Улсын Баримт Шалгагчдын Сүлжээ (International Fact-Checking Network)-ний ёс зүйн кодын дагуу аливаа мэдээллийг баримтаар баталгаажуулан шалгадаг. Баримтаар шалгасан мэдээллээ #ҮНЭН, #ХУДАЛ, #ТӨӨРӨГДҮҮЛСЭН, #БҮРЭН БУС, #ЭВЛҮҮЛЭГ, #ЕГӨӨДӨЛ гэсэн зургаан төрлөөр ангилж, олон нийтэд үнэн бодит мэдээлэл түгээн ажиллаж байна.