Том мөнгөн дэвсгэрт гүйлгээнд гаргахыг даалгажээ гэх мэдээлэл #ТӨӨРӨГДҮҮЛСЭН

#FactCheckedByMFCC | Шалгасан кэйсийн дугаар #89

Checked by: MFCC

Ерөнхий агуулга

Улсын Их Хурлын дарга Г.Занданшатар Монголбанкны Тэргүүн Дэд Ерөнхийлөгч Г.Дөлгөөнийг хүлээн авч уулзах үеэрээ том мөнгөн дэвсгэрт гүйлгээнд гаргахыг даалгажээ гэх агуулга бүхий мэдээллийг түгээжээ.

Баримт шалгалтын үр дүн

Төв банкны тухай хуулийн 6.1-д мөнгөн тэмдэгт гаргах нь зөвхөн Монголбанкны ОНЦГОЙ эрх байхаар хуульчилсан. УИХ-ын дарга мөнгөн дэвсгэрт гүйлгээнд гаргах чиглэл өгөх хууль зүйн үндэслэл байхгүй.

2021.08.04 | Улаанбаатар хот, Монгол

2021 оны наймдугаар сарын 4-нд livetv.mn сайтад “Том мөнгөн дэвсгэрт гүйлгээнд гаргахыг даалгажээ” гэх мэдээлэл гарч, livetv.mn нэртэй өөрийн Facebook дэх пэйж хуудсандаа 📌“Улсын Их Хурлын дарга Г.Занданшатар Монголбанкны Тэргүүн Дэд Ерөнхийлөгч Г.Дөлгөөнийг хүлээн авч уулзах үеэрээ том мөнгөн дэвсгэрт гүйлгээнд гаргахыг даалгажээ” гэх тайлбартайгаар постолжээ.

CrowdTangle хэрэглүүрээр шалгахад Facebook платформд 229 хариу үйлдэл авсан нь бага үзүүлэлт хэдий ч, хуулийн зохицуулалтыг олон нийтэд ойлгуулан таниулах үүднээс баримт шалгалтаар тайлбарлах шаардлагатай байна.

📌Уг мэдээнд “Улсын Их Хурлын дарга Г.Занданшатар Монголбанкны Тэргүүн Дэд Ерөнхийлөгч Г.Дөлгөөнийг хүлээн авч уулзжээ. Энэ үер тэрээр төгрөгийн ханшийг тогтвортой барьж, валютын нөөцийг нэмэгдүүлэхэд онцгой анхаарч байгааг сайшаажээ. Мөн мөнгөн дэвсгэртийн шинэчлэлийг хэрэгжүүлж, гүйлгээний зардал, төлбөрийн хэрэгслийн зардлыг бууруулахын тулд гүйлгээнд ашигладаггүй мөнгөн дэвсгэртийг гүйлгээнээс гаргах нь эдийн засгийн хувьд үр ашигтай. Иймд төрийн мөнгөн дэвсгэртийг үнэгүйдүүлэхгүй байх зарчмыг баримталж, том мөнгөн дэвсгэртийг гүйлгээнд гаргах талаар судалгаа хийхийг Төв банканд даалгажээ” гэсэн байна.

1. УИХ-ын дарга мөнгөн дэвсгэрт гүйлгээнд гаргахыг даалгахгүй.

✅Төв банкны тухай хуулийн 6.1-д мөнгөн тэмдэгт гаргах нь зөвхөн Монголбанкны ОНЦГОЙ эрх байхаар хуульчилсан. Харин УИХ-тай харилцах харилцааг 30 дугаар зүйлд заасан ба энд заасан дөрвөн үндэслэлд мөнгөн тэмдэгт гаргахтай холбоотой харилцаа байхгүй байна.

2. Монголбанкны Хууль эрхзүйн газрын захирал Д.Аюушийн бэлтгэн MFCC-т (Mongolian Fact-Checking Center) хүргүүлсэн тодруулгад “УИХ-н дарга Төв банкинд мөнгөн тэмдэгт шинээр хийх чиглэл өгөх хууль зүйн үндэслэл байхгүй” гэсэн байна.

✅Монголбанканд мөнгөн тэмдэгт хэвлүүлэх онцгой эрх хуулиар олгогдсон. /Төв банк (Монголбанк)-ны тухай хуулийн 6 дугаар зүйлийн 1 дэх хэсэг/

✅УИХ-аас мөнгөн тэмдэгтийн загварыг л баталдаг. /Төв банк (Монголбанк)-ны тухай хуулийн 7 дугаар зүйлийн 2 дахь хэсэг/


Аливаа мэдээллийг хуваалцахаасаа өмнө #ЭхлээдБод #Think1st


Та бүхэн манай төвийн баримт нягталсан мэдээтэй холбоотой аливаа санал хүсэлт, залруулга хийлгэх болон бусад санал гомдлоо редакторын hello@mfcc.mn имэйл хаягаар ирүүлнэ үү.

Leave a Reply

Сэтгэгдэл үлдээх

Хуваалцах

Бид Олон Улсын Баримт Шалгагчдын Сүлжээ (International Fact-Checking Network)-ний ёс зүйн кодын дагуу аливаа мэдээллийг баримтаар баталгаажуулан шалгадаг. Баримтаар шалгасан мэдээллээ #ҮНЭН, #ХУДАЛ, #ТӨӨРӨГДҮҮЛСЭН, #БҮРЭН БУС, #ЭВЛҮҮЛЭГ, #ЕГӨӨДӨЛ гэсэн зургаан төрлөөр ангилж, олон нийтэд үнэн бодит мэдээлэл түгээн ажиллаж байна.

Check document