2021.07.23 | Улаанбаатар хот, Монгол
2021 оны 7-р сарын 22-ний өдөр @CFCMongolia нэртэй Твиттер хаягаас “Монгол Улсад ковидын Гамма хувилбар бүртгэгдлээ” гэсэн агуулгатай пост оруулжээ. Уг жиргээнд “Дельта хувилбар гээд бужигнаж байтал Гамма нь бас илэрлээ л гэнэ. Грекийн цагаан толгойн 23 үсгийг бараглаад Омега гээд л дуусах вирус юм уу энэ лүд чинь” гэсэн ба 2021.07.23 өдрийн 18:00 цагийн байдлаар нийт 11 удаа хуваалцаж, 2 сэтгэгдэл үлдээн, 38 лайк даржээ.
FACTCHECK: Бид дараах байдлаар байдлаар баримт шалгалт хийлээ
ДЭМБ-ын 2021 оны долдугаар сарын 23-нд шинэчлэн гаргасан “Коронавирусийн тархалтын тайлан”-д Монгол Улсад зөвхөн Альфа болон Дельта хувилбар шинээр бүртгэгдсэн байна.
Одоогийн байдлаар Гамма хувилбар нийт 78 улсад бүртгэгдээд байгаа ба Монгол Улсад бүртгэгдсэн гэх мэдээлэл албан ёсоор гараагүй байна. /холбоосыг хавсаргав/
Одоогоор ковидын мутациудын талаарх судалгаанууд хийгдсээр байгаа бөгөөд эцсийн дүгнэлт гарах болоогүй байна. Тухайлбал BBC-д “Альфа, Бетта, Гамма хувилбаруудад илэрсэн N501Y гэх шугаман дараалалтай мутаци вирусын халдварлах чадварыг нэмэгдүүлдэг байх магадлалтай юм. Мутациуд өндөр настай эсвэл суурь өвчтэй хүмүүс болон вакцин хийлгээгүй хүн амыг өндөр эрсдэлд оруулж байна” гэж бичжээ.
