“Гэртээ ганцаараа” киноны Маколэй Калкин шинэ оны босгон дээр анхны хүүхдээ өлгийдөн авсан гэх мэдээлэл худал 

#FactCheckedByMFCC | Шалгасан кэйсийн дугаар #809

Checked by: MFCC

Ерөнхий агуулга

Жүжигчин Маколэй Калкины найз бүсгүй монгол бөгөөд тэд анхны хүүхдээ өлгийдөн авлаа гэх мэдээллийг түгээжээ.

Баримт шалгалтын үр дүн

Маколэй Калкины сүйт бүсгүй Бренда Сон нь АНУ-д төрж өссөн Тайланд гаралтай жүжигчин. Тэд 2 дахь хүүгээ 2022 оны 12 сард өлгийдөн авсан.

2023 оны 12 сарын 29ны өдөр Зэвүүн Нинжа гэх хуудаснаас ““Гэртээ ганцаараа” киноны Маколэй Калкин, найз бүсгүй Бренда Ариунаагынхаа хамтаар шинэ оны босгон дээр анхны хүүхдээ өлгийдөн авчээ. Баяр хүргэе Калкин! Түүний хадам аав Дундговь аймгийн харьяат улсын начин Ц. Галхүү зээ хүүдээ Жигмэд гэж нэр хайрласан байна.;р” гэх мэдээллийг түгээсэн нь нийт 245 хандалт авч, 108 удаа цааш түгээгдсэн байна. 

FACTCHECK: Бид дараах байдлаар байдлаар баримт шалгалт хийлээ

Гэртээ ганцаараа киноны Кэвины дүрд тоглосон жүжигчин Маколэй Калкины сүйт бүсгүй Бренда Сон нь АНУ-д төрж өссөн бөгөөд түүний эцэг эх нь Тайланд гаралтай хүмүүс аж. Энэ нь шалгаж буй мэдээлэлд дурдсан жүжигчин бүсгүйг монгол гэх агуулгыг үгүйсгэж байна. 
Маколэй Калкин болон Брэнда Сон нар 2017 оноос болзож эхэлсэн бөгөөд анхны хүү Дакота Сон Калкиныг 2021 оны 4 дүгээр сарын 5-нд,  хоёр дахь хүү Карсон Сон Калкиныг 2022 оны 12-р сард  өлгийдөн авсан байна. Иймд хосуудыг энэ оны сүүлд анхны хүүхдээ төрүүлсэн гэх мэдээлэл нь худал юм.


Аливаа мэдээллийг хуваалцахаасаа өмнө #ЭхлээдБод #Think1st


Та бүхэн манай төвийн баримт нягталсан мэдээтэй холбоотой аливаа санал хүсэлт, залруулга хийлгэх болон бусад санал гомдлоо редакторын hello@mfcc.mn имэйл хаягаар ирүүлнэ үү.

Leave a Reply

Сэтгэгдэл үлдээх

Хуваалцах

Бид Олон Улсын Баримт Шалгагчдын Сүлжээ (International Fact-Checking Network)-ний ёс зүйн кодын дагуу аливаа мэдээллийг баримтаар баталгаажуулан шалгадаг. Баримтаар шалгасан мэдээллээ #ҮНЭН, #ХУДАЛ, #ТӨӨРӨГДҮҮЛСЭН, #БҮРЭН БУС, #ЭВЛҮҮЛЭГ, #ЕГӨӨДӨЛ гэсэн зургаан төрлөөр ангилж, олон нийтэд үнэн бодит мэдээлэл түгээн ажиллаж байна.

Check document