Мөрийтэй тоглохыг уриалсан хуурамч мэдээллээс болгоомжил

#FactCheckedByMFCC | Шалгасан кэйсийн дугаар #564

Checked by: MFCC

Ерөнхий агуулга

Хаяг нээсэн хэрэглэгч бүрт анх байршуулсан бооцооноос нь илүү бонус өгнө гэж мэдээлсэн байна.

Баримт шалгалтын үр дүн

Нийтэлсэн хэрэглэгчийн хаяг баталгаагүй, ашигласан холбоос, дурдсан агуулга зэрэг нь хуурамч байх эрсдэлтэй байна.

2023 оны 05 сард Tech Poker 1122 нэртэй пэйжид цахим хэрэглэгчдийг мөрийтэй тоглоход уриалсан хэд, хэдэн постыг дарааллуулан оруулжээ. Ингэхдээ:
“100К ЦЭНЭГЛЭЭД 100К БОНУС
500К ЦЭНЭГ БОНУС 550К БОНУС
1 САЯ ЦЭНЭГ 1 САЯ 150 МЯНГА БОНУС
3 САЯ ЦЭНЭГ – 2 САЯ БОНУС” эсхүл “Өдөртөө 2-3 сая төгрөгний орлоготой болох итгэл даахуйц BOT ТОГЛОГЧ хайж байна” зэрэг агуулгаар нийтэлсэн байна.

FACTCHECK: Бид дараах байдлаар баримт шалгалт хийлээ

1. Эх сурвалжийг шалгах

Тус эх сурвалжид ямар нэртэй байгууллага, ямар аппликейшнээр дамжуулж тоглоом зохион байгуулдаг, үйл ажиллагаа явуулаад хэр удаж байгаа зэрэг талаар ямар ч мэдээлэл байхгүй байна. Мөн баталгаажсан пэйжид хэрэглэгчид үнэлгээ өгж, санал шүүмж өгсөн байдаг ч уг пэйжид ямар ч хэрэглэгчийн хандалт байсангүй. Мөн тоглоомыг татах бол зайлшгүй чатаар холбогдохыг шаардаж буй нь залилан байх эрсдлийг улам нэмэгдүүлж байна.

2. Ашигласан холбоос, агуулгыг шалгах

Хаяг нээсэн хэрэглэгч бүрт анх төлснөөс өндөр дүнгээр бонус олгоно гэдэг ашиг олох зорилготой байгуллагын хувьд боломжгүй зүйл. Үнэмшихэд бэрх, илүү хэрэглэгчдэд таалагдах гэж хичээсэн байх тусмаа хуурамч мэдээлэл байх магадлал нэмэгддэг. Мөн тус пэйжийн хавсаргасан холбоосууд ажиллахгүй байна. Эдгээр нь тус пэйжийн сурталчилж буй платформ ажиллагаагүй болохыг илтгэж буй бөгөөд энэ төрлийн хувийн зурвасаар харилцахыг шаардсан хуурамч мэдээлэл нь хэрэглэгчдийн хувийн мэдээлэл болон санхүүд халдах эрсдэлтэй байдаг тул та бүхэн зөвхөн уг мэдээлэл гэлтгүй бусад ижил төрлийн зар сурталчилгаа, мэдээллүүдэд сэрэмжтэй хандаарай.


Аливаа мэдээллийг хуваалцахаасаа өмнө #ЭхлээдБод #Think1st


Та бүхэн манай төвийн баримт нягталсан мэдээтэй холбоотой аливаа санал хүсэлт, залруулга хийлгэх болон бусад санал гомдлоо редакторын hello@mfcc.mn имэйл хаягаар ирүүлнэ үү.

Шалгасан мэдээлэл

https://www.facebook.com/mfcc.mn/photos/pb.100063686763197.-2207520000./791071535874107/?type=3

Leave a Reply

Сэтгэгдэл үлдээх

Хуваалцах

Бид Олон Улсын Баримт Шалгагчдын Сүлжээ (International Fact-Checking Network)-ний ёс зүйн кодын дагуу аливаа мэдээллийг баримтаар баталгаажуулан шалгадаг. Баримтаар шалгасан мэдээллээ #ҮНЭН, #ХУДАЛ, #ТӨӨРӨГДҮҮЛСЭН, #БҮРЭН БУС, #ЭВЛҮҮЛЭГ, #ЕГӨӨДӨЛ гэсэн зургаан төрлөөр ангилж, олон нийтэд үнэн бодит мэдээлэл түгээн ажиллаж байна.

Check document