“М банк”-ны пэйжийг дуурайлгаж “Зээл олгоно” гэх мэдээллээр мэхэлж байна

#FactCheckedByMFCC | Шалгасан кэйсийн дугаар #545

Checked by: MFCC

Ерөнхий агуулга

М банк гэсэн хаягаар “Зээл гаргана, Бонус хөтөлбөрийг хаах гэж байна, Бонус орлоо” гэх зэрэг постыг тус хуудсанд 80 орчим удаа оруулжээ.

Баримт шалгалтын үр дүн

М банкны 18002929 дугаарын утсаар тодруулж асуухад дээрх хуудсыг хуурамч гэсэн бөгөөд албан ёсны хаягаа санал болгосон юм.

Facebook-т шинээр үйл ажиллагаагаа явуулж буй банкны нэрийг ашиглан, ижил профайл зураг бүхий хаяг үүсгэн өмнө нь оруулсан бичлэг, зураг, постуудыг хуулан оруулж, хандалт цуглуулж буй хуурамч хаягийг шалгалаа.  М банкны фэйсбүүк дэх цахим хуудсыг хуурамчаар үйлдэн “Зээл гаргана, Бонус хөтөлбөрийг хаах гэж байна, Бонус орлоо” гэх зэрэг постыг тус хуудсанд 80 орчим удаа оруулжээ.

FACTCHECK: Дараах байдлаар баримт шалгалт хийгээрэй

1. Эх сурвалжийг шалгаж заншаарай

Тус хуудасны албан ёсны дагагчийн тоо нь 1.4 мянга бөгөөд эх сурвалжийг нягтлахын тулд зарим мэдээллийг шалгалаа. 

Ингэхдээ:

  • Пэйжийн “About” цэсэн дээр дарж орно.
  • Page transparency буюу пэйжийн ил тод байдал гэх мэдээллийг орж үзнэ.
  • See all буюу бүгдийг харах цэсийг сонгосноор нээлттэй байршуулсан мэдээллүүдийг нь харах боломжтой.

Зааврын дагуу орж харснаар уг пэйжийг  2022 оны есдүгээр сарын 16-ны өдөр үүсгэсэн гэх мэдээллийг авлаа. Харин М банк 2018 оноос мэдээллээ түгээж эхэлсэн.

2. Албан ёсны хаягуудыг давхар хайх 

М банкны албан ёсны хуудас нь фейсбүүк орчинд 67 мянган дагагчтай, 62 мянган Like-тай бөгөөд тус байгууллагын нийгмийн сүлжээн дэх албан ёсны хаягууд бүгд mbankmongolia гэсэн user name ашигладаг байна. 

Мөн бид 05 дугаар сарын 23-ны өдөр М банкны 18002929 дугаарын утсаар тодруулж асуухад дээрх хуудсыг хуурамч гэсэн бөгөөд албан ёсны хаягаа санал болгосон юм.

Түүнчлэн тус байгууллагын журамд зээл гаргахад албан ёсны бичиг баримтын эх хувьтайгаа ирж, гэрээ байгуулан, зээлийн шаардлага хангасан эсэхийг нягтлуулсаны дараа зээл авах боломжтой гэдгийг мэдээлсэн бөгөөд эдгээр үйлчилгээ нь ямар нэг хураамжгүй, үл мэдэгдэх линк дээр дарах үйлдэл хийхийг шаардахгүй юм. 


Аливаа мэдээллийг хуваалцахаасаа өмнө #ЭхлээдБод #Think1st


Та бүхэн манай төвийн баримт нягталсан мэдээтэй холбоотой аливаа санал хүсэлт, залруулга хийлгэх болон бусад санал гомдлоо редакторын hello@mfcc.mn имэйл хаягаар ирүүлнэ үү.

Leave a Reply

Сэтгэгдэл үлдээх

Хуваалцах

Бид Олон Улсын Баримт Шалгагчдын Сүлжээ (International Fact-Checking Network)-ний ёс зүйн кодын дагуу аливаа мэдээллийг баримтаар баталгаажуулан шалгадаг. Баримтаар шалгасан мэдээллээ #ҮНЭН, #ХУДАЛ, #ТӨӨРӨГДҮҮЛСЭН, #БҮРЭН БУС, #ЭВЛҮҮЛЭГ, #ЕГӨӨДӨЛ гэсэн зургаан төрлөөр ангилж, олон нийтэд үнэн бодит мэдээлэл түгээн ажиллаж байна.

Check document