2026 оны 09 дүгээр сарын 16-нд “Монголын луйврын мэдээллийн төв” гэх нэртэй Фэйсбүүк пэйж “Хэрэв та залилангийн хохирогч болсон бол бидэнтэй холбогдож, мөнгөө эргүүлэн аваарай” гэх агуулгатай пост түгээжээ. Тус постыг 107 реакц, 84 сэтгэгдлээр идэвхжүүлж, 21 удаа цааш түгээжээ.

Хаягийг шалгая

Бид “Монголын луйврын мэдээллийн төв” гэх пэйжийн ил тод байдал, постуудыг шалгахад нээгдээд удаагүй, цөөн дагагчтай, бусдын зураг, постерыг ашигласан зэрэг залилангийн шинж тэмдгүүд илэрлээ.

Пост түгээсэн пэйжийн сэжигтэй шинж тэмдгүүдийг жагсаахад:

1. Бусдын зургийг ашигласан

2. Зохиомол нэртэй байгууллага

3. Цөөн дагагчтай

4. Хиймэл оюунаар үүсгэсэн лого

5. Холбоо баримх утас, хаяггүй

6. Нээгдээд удаагүй

Зургаар шалгая

Зургаар шалгахад, “Монголын Луйврын Мэдээллийн Төв” гэх нэртэй пэйж нь ЦЕГ-ын Урьдчилан сэргийлэх хэлтсийн постеруудыг удаа дараа хуулбарлан, постолсон байна. Бусдын зураг, бичлэг, логог зөвшөөрөлгүй ашиглан постлох нь залиланг таних томоохон шинж тэмдгүүдийг нэг юм.

Дүгнэлт

Дүгнээд хэлэхэд, хиймэл оюунаар үүсгэсэн лого, зохиомол нэртэй, үүсээд удаагүй Фэйсбүүк пэйж иргэдийн залиланд алдсан мөнгийг олж өгнө хэмээн урхидаж, хувийн мэдээллийг нь авч, залилан үйлдэж байна.

“Daatgal Niigmiin“, “Бүтэн байдлын сэргийлэх групп“, “Монгол Улсын Холбооны сэргээх, гүйцэтгэх агентлаг” зэрэг зохиомол нэртэй пэйжүүдээс залилуулсан, алдсан мөнгө олж өгнө хэмээн сурталчлан, залилан үйлдэж байсныг бид өмнө нь шалгасан билээ.

Аливаа залилан, хулгайн гэмт хэргийг Монгол Улсад мөрдөн шалгах цорын ганц мэргэжлийн байгууллага бол Цагдаагийн Ерөнхий Газар гэдгийг санаарай. Иймд баталгаагүй хаягт хандаж, өөрийгөө эрсдэлд оруулахгүйгээр шууд ЦЕГ-ын 102 дугаарт яаралтай холбогдох хэрэгтэй.