2026 оны 09 дүгээр сарын 16-нд Xpost.mn нэртэй хуудаснаас “ИРГЭНИЙ БИЧЛЭГ: Олс, уяанаас өөр юмгүй улаан гараараа яаж баавгайг зогсоох вэ?” гэх тайлбартай баавгай хүн рүү дайрч буй бичлэг нийтэлснийг нийт 39 реакц, 7 сэтгэгдлээр идэвхжүүлж, 7 удаа цааш түгээжээ.
FACTCHECK: Бид дараах байдлаар баримтаар шалгалаа
Шалгасан бичлэгийн хэсгийг Google Lens хайлтын системээр хайхад 2023 оны 05 дугаар сараас эхлэн “Хятадад болсон үйл явдал” гэх тайлбартайгаар сошиал орчинд өргөн тархжээ. Иймд хятадын Baidu хайлтын системээс зургаар хайхад 2023 оны 05 дугаар сарын 26-нд Шижаанд болсон үйл явдал хэмээн хэд хэдэн хаяг нийтэлсэн байна. Тодруулбал, Хятадын Шианнинг хотын мэдээний суваг, Nine News мэдээллийн сайтын хаягт “05 дугаар сарын 26-нд Шинжааны Хэжин хошуунд…” гэх тайлбартай нийтэлсэн байна.
CGTN (China Global Television Network) агентлагийн АНУ дахь салбарын албан ёсны Facebook хаягт Шинжаанд болсон уг үйл явдлын тухай тайлбарлаж, нэмэлт бичлэг нийтэлжээ.
Сүүлийн өдрүүдэд хүрэн баавгай сумын төв, суурьшлын бүс, айл өрх, малчны хот орчимд орж ирсэн тухай сошиал орчинд өргөн хэлэлцүүлэг өрнөж байна. Олон нийтийн анхаарлыг татсан үйл явдлын үеэр гаднын зураг, бичлэгийг ашиглаж хэрэглэгчдийг төөрөгдүүлэх үзэгдэл ихэсдэг. Аливаа мэдээлэлд шүүлтүүртэй хандаж, нягталж хэвшээрэй.
Дүгнэлт
2023 онд Шинжаан Уйгурын өөртөө засах орны Хэжин хошууны малчны гэр лүү баавгай дайрсан үеийн бичлэгийг Монголд мэтээр түгээжээ.
