COP 17 хурлын талбайд байршуулсан говийн ховордсон амьтдын хөшөөг гуйвуулан тайлбарлаж байна

#FactCheckedByMFCC | Шалгасан кэйсийн дугаар 2040

Шалгасан: MFCC
2026-08-28

Ерөнхий агуулга

“СОР-17 хурлын танхим болон талбайд Израиль еврейн шүтээн болох дөрвөн сатаныг хамгийн гоё, бүрэн утгаар нь хийж байрлуулсан байна” гэсэн тайлбартай пост нийтэлжээ.

Баримт шалгалтын үр дүн

COP17 хурлын талбайд монгол бөхөн, хавтгай, хулан, цагаан зээр зэрэг говийн ховордсон амьтдын хөшөөг байршуулсныг гуйвуулан түгээжээ.

Энэхүү мэдээлэлд Мета компанийн Хөндлөнгийн баримт шалгах хөтөлбөрийн хүрээнд тэмдэглэгээ зүүж анхааруулсан болно. (Дэлгэрэнгүйг энд болон эндээс уншина уу.)

2026 оны 08 дугаар сарын 26-ны өдөр Makhbal Tsedendambaa гэх хаягаас “СОР-17 хурлын танхим болон талбайд Израиль еврейн шүтээн болох дөрвөн сатаныг хамгийн гоё, бүрэн утгаар нь хийж байрлуулсан байна” гэсэн тайлбартай пост нийтэлжээ. Тус постыг 667 реакц, 224 сэтгэгдлээр идэвхжүүлж, 516 удаа цааш түгээжээ.

FACTCHECK:

COP17 хурлын талбайд монгол бөхөн, хавтгай, хулан, цагаан зээр зэрэг амьтны хөшөөг байршуулсныг гуйвуулан түгээжээ

Дэлхийн байгаль хамгаалах сан (WWF)-гийн сайтад, хавтгай, хулан, мазаалай, тахь, хар сүүлт, бөхөн зэрэг говийн ховор амьтдыг IUCN буюу Олон Улсын Байгаль Хамгааллын Холбооны үнэлгээгээр “устах аюултай, устах эрсдэлтэй, эмзэг” зэрэг ангилалд багтаж буй талаар мэдээлжээ. Доор зурагт COP17 хурлын тайлбайд байршуулсан хөшөө болон говийн ховордсон амьтдын зургийг харьцуулан харууллаа.

Үргэлжлүүлэн бид Google хайлтын системээр “Satan” гэх түлхүүр үгээр хайлт хийхэд доор зурагт харуулсан эвэр, туурайтай амьтны зураг илэрцээр гарч ирлээ. Домог, шашны түүхийн талаас авч үзвэл сатан болон чөтгөрийг дүрслэхдээ эвэр, туурай, сүүл зэрэг амьтны шинжийг ашиглах нь түгээмэл аж.

Дүгнээд хэлбэл, COP17 хурлын талбайд монгол бөхөн, хавтгай, хулан, цагаан зээр зэрэг говийн ховордсон амьтдын хөшөөг байршуулсныг гуйвуулан түгээжээ.

Аливаа мэдээллийг хуваалцахаасаа өмнө #ЭхлээдБод #Think1st

Та бүхэн манай төвийн баримт нягталсан мэдээтэй холбоотой аливаа санал хүсэлт, залруулга хийлгэх болон бусад санал гомдлоо редакцын hello@mfcc.mn имэйл хаягаар ирүүлнэ үү.

ЭХ СУРВАЛЖ, ХОЛБООТОЙ НИЙТЛЭЛҮҮД

Шалгасан мэдээлэл

Эх сурвалж

Дэлхийн байгаль хамгаалах сан

Ерөнхий агуулга

Хуваалцах

Бид Олон Улсын Баримт Шалгагчдын Сүлжээ (International Fact-Checking Network)-ний ёс зүйн кодын дагуу аливаа мэдээллийг баримтаар баталгаажуулан шалгадаг. Баримтаар шалгасан мэдээллээ #ҮНЭН, #ХУДАЛ, #ТӨӨРӨГДҮҮЛСЭН, #БҮРЭН БУС, #ЭВЛҮҮЛЭГ, #ЕГӨӨДӨЛ гэсэн зургаан төрлөөр ангилж, олон нийтэд үнэн бодит мэдээлэл түгээн ажиллаж байна.