"Оюу толгой секундэд 8 тонн ус хэрэглэж байгаа" гэх мэдээлэл төөрөгдүүлсэн

“Оюу толгой секундэд 8 тонн ус хэрэглэж байгаа” гэх мэдээлэл төөрөгдүүлсэн

#FactCheckedByMFCC | Шалгасан кэйсийн дугаар 2036

Шалгасан: MFCC
2026-08-27

Checked by: MFCC

Ерөнхий агуулга

“СОР17 д оролцогчдын хувьд секундэд 8 тонн ус хэрэглэж байгаа Оюутолгой төсөл биш мал сүрэг үржээд ус их ууж цөлжилт үүсгэж байгаа болж таарлаа” гэсэн пост нийтэлжээ.

Баримт шалгалтын үр дүн

“Оюутолгой секундэд 8 тонн ус хэрэглэж байгаа” гэх төөрөгдүүлсэн мэдээлэл түгээжээ. Оюу толгойн 2026 оны II улирлын тойм мэдээнд дурдсанаар 2026 оны 06 дугаар сарын байдлаар усны бодит хэрэглээ нь секундэд 605.9 литр байна.

Энэхүү мэдээлэлд Мета компанийн Хөндлөнгийн баримт шалгах хөтөлбөрийн хүрээнд тэмдэглэгээ зүүж анхааруулсан болно. (Дэлгэрэнгүйг энд болон эндээс уншина уу.)

2026 оны 8 дугаар сарын 23-ны өдөр Д. Баяраа хаягаас “СОР17 д оролцогчдын хувьд секундэд 8 тонн ус хэрэглэж байгаа Оюутолгой төсөл биш мал сүрэг үржээд ус их ууж цөлжилт үүсгэж байгаа болж таарлаа” гэсэн пост нийтэлжээ. Уг пост 449 реакц, 85 сэтгэгдэл авч, 169 удаа цааш түгээгджээ.

FACTCHECK:

Бид түгээсэн мэдээллийг нягтлахын тулд Оюу толгойн албан ёсны “ot.mn” сайтад байршуулсан тайлангуудыг шүүж үзсэн юм. Хайлтын илэрцээр гарч ирсэн “Оюу толгойн уурхайн ус ашиглалтын талаарх түгээмэл асуулт, хариулт” баримт бичигт “Сүүлийн таван жилийн дунджаас үзэхэд уурхайн үйл ажиллагаанд ашиглаж буй түүхий усны бодит хэрэглээ ус ашиглах зөвшөөрөгдсөн хэмжээний 56.5%-тэй тэнцэж байгаа буюу дунджаар секундэд 518.52 литр/ секунд (2025 оны 11 дүгээр сарын байдлаар) юм” гэжээ.

Эх сурвалж: *“Оюу толгойн уурхайн ус ашиглалтын талаарх түгээмэл асуулт, хариулт”*

Мөн Оюу толгойн 2026 оны II улирлын тойм мэдээнд, тус компани Засгийн газраас тогтоосон хязгаараас бага ус ашиглаж байгаа талаар онцолжээ. Тухайлбал, Засгийн газраас ус ашиглах зөвшөөрөгдсөн хэмжээг секундэд 918 литр байхаар тогтоосон бол 2026 оны 6 дугаар сарын байдлаар усны бодит хэрэглээ секундэд 605.9 литр байгаа аж.

Эх сурвалж: Оюу толгойн 2026 оны II улирлын тойм мэдээ

Дүгнээд хэлбэл, “Оюутолгой секундэд 8 тонн ус хэрэглэж байгаа” гэх төөрөгдүүлсэн мэдээлэл түгээжээ. Оюу толгойн 2026 оны II улирлын тойм мэдээнд дурдсанаар 2026 оны 06 дугаар сарын байдлаар усны бодит хэрэглээ нь секундэд 605.9 литр байна.

Аливаа мэдээллийг хуваалцахаасаа өмнө #ЭхлээдБод #Think1st

Та бүхэн манай төвийн баримт нягталсан мэдээтэй холбоотой аливаа санал хүсэлт, залруулга хийлгэх болон бусад санал гомдлоо редакцын hello@mfcc.mn имэйл хаягаар ирүүлнэ үү.

ЭХ СУРВАЛЖ, ХОЛБООТОЙ НИЙТЛЭЛҮҮД

Шалгасан мэдээлэл

Эх сурвалж

Оюу толгойн 2026 оны II улирлын тойм мэдээ

Оюу толгойн уурхайн ус ашиглалтын талаарх түгээмэл асуулт, хариулт

Ерөнхий агуулга

Хуваалцах

Бид Олон Улсын Баримт Шалгагчдын Сүлжээ (International Fact-Checking Network)-ний ёс зүйн кодын дагуу аливаа мэдээллийг баримтаар баталгаажуулан шалгадаг. Баримтаар шалгасан мэдээллээ #ҮНЭН, #ХУДАЛ, #ТӨӨРӨГДҮҮЛСЭН, #БҮРЭН БУС, #ЭВЛҮҮЛЭГ, #ЕГӨӨДӨЛ гэсэн зургаан төрлөөр ангилж, олон нийтэд үнэн бодит мэдээлэл түгээн ажиллаж байна.