Хятадын гадаад паспортын жишээ зургийг эвлүүлж, төөрөгдүүлжээ

#FactCheckedByMFCC | Шалгасан кэйсийн дугаар 1894

Шалгасан: MFCC
2026-05-11

Checked by: MFCC

Ерөнхий агуулга

“Хятад паспорттай, Хятадын иргэнийг АН генсек- ээрээ тавьчихаж байгаа юмуу?” гэх тайлбартайгаар хятадын гадаад паспортын зургийг нийтэлжээ.

Баримт шалгалтын үр дүн

Интернэт орчинд өргөн тархсан хятадын гадаад паспортын жишээ зурагт С.Баярцогтын зургийг эвлүүлэн түгээж, төөрөгдүүлжээ.

Энэхүү мэдээлэлд Мета компанийн Хөндлөнгийн баримт шалгах хөтөлбөрийн хүрээнд тэмдэглэгээ зүүж анхааруулсан болно. (Дэлгэрэнгүйг энд болон эндээс уншина уу.)

2026 оны 05 дугаар сарын 07-нд Мягмарын Тэгшжаргал хаягаас хятад улсын гадаад паспорт барьсан эмэгтэйн зургийг “Хятад паспорттой, Хятадын иргэнийг АН генсек- ээрээ тавьчихаж байгаа юмуу?” гэх тайлбартай нийтэлжээ (архивласан хувилбар). Тус постыг нийт 713 реакц, 222 сэтгэгдлээр идэвхжүүлж, 1,300 гаруй удаа цааш түгээжээ.

FACTCHECK: Бид дараах байдлаар баримтаар шалгалаа

Шалгасан мэдээлэлд хавсаргасан зураг дахь гадаад паспорт дээр АН-ын Ерөнхий нарийн бичгийн дарга С.Баярцогтын зургийг оруулжээ. Тус зургийг Google Lens болон Baidu хайлтын системээр хайхад зургийн эх хувилбарт С.Баярцогт биш өөр эмэгтэй хүний гадаад паспортыг харуулж буй зургууд илэрцээр гарч ирлээ.

Тодруулбал, Capital News сайтад 2012 оны 05 дугаар сарын 16-нд нийтэлсэн хятадын шинэ электрон чиптэй гадаад паспортын тухай мэдээлэлд жишээ зураг болгон нийтэлжээ. Уг зураг нь 2012 оноос хойш интернэт орчинд өргөн тархсан бөгөөд ихэвчлэн хятадын виз, гадаад паспорттой холбоотой мэдээлэлд ашиглагдаг байна. Доорх зурагт шалгасан зураг болон зургийн эх хувилбарыг харьцуулан харууллаа.

Дүгнэвэл интернэт орчинд өргөн тархсан хятадын гадаад паспортын жишээ зурагт С.Баярцогтын зургийг эвлүүлэн түгээж, төөрөгдүүлжээ.

Аливаа мэдээллийг хуваалцахаасаа өмнө #ЭхлээдБод #Think1st

Та бүхэн манай төвийн баримт нягталсан мэдээтэй холбоотой аливаа санал хүсэлт, залруулга хийлгэх болон бусад санал гомдлоо редакцын hello@mfcc.mn имэйл хаягаар ирүүлнэ үү.

ЭХ СУРВАЛЖ, ХОЛБООТОЙ НИЙТЛЭЛҮҮД

Шалгасан мэдээлэл (архивласан хувилбар)

Эх сурвалжууд

Google Lens хайлтын системийн хайлтын илэрц

Baidu зургаар хайх ситемийн хайлтын илэрц

Зургийн эх хувилбарыг нийтэлсэн сайтууд

Ерөнхий агуулга

Хуваалцах

Бид Олон Улсын Баримт Шалгагчдын Сүлжээ (International Fact-Checking Network)-ний ёс зүйн кодын дагуу аливаа мэдээллийг баримтаар баталгаажуулан шалгадаг. Баримтаар шалгасан мэдээллээ #ҮНЭН, #ХУДАЛ, #ТӨӨРӨГДҮҮЛСЭН, #БҮРЭН БУС, #ЭВЛҮҮЛЭГ, #ЕГӨӨДӨЛ гэсэн зургаан төрлөөр ангилж, олон нийтэд үнэн бодит мэдээлэл түгээн ажиллаж байна.