Газрын гүнээс ус оргилон гарч ирж буй бичлэг Монголд биш

#FactCheckedByMFCC | Шалгасан кэйсийн дугаар 1887

Шалгасан: MFCC
2026-05-01

Checked by: MFCC

Ерөнхий агуулга

“Өвөрхангай аймгийн Бүрд сум Ар хөшөөт гэх газар газрын гүнээс нэгэн шинэ булаг оргилон гарчээ. Байгаль дэлхий түмэн гайхамшигаар дүүрэн юм даа” гэсэн тайлбартай бичлэг нийтэлжээ.

Баримт шалгалтын үр дүн

Газрын гүнээс ус оргилон гарч ирж буй бичлэг нь Монголд биш бөгөөд 2023 оноос хойш Douyin (Хятад TikTok хувилбар) платформд “Байгалийн халуун рашаан” гэсэн тайлбартай түгсэн байна.

Энэхүү мэдээлэлд Мета компанийн Хөндлөнгийн баримт шалгах хөтөлбөрийн хүрээнд тэмдэглэгээ зүүж анхааруулсан болно. (Дэлгэрэнгүйг энд болон эндээс уншина уу.)

2026 оны 04 дүгээр сарын 28-нд Todmedee.mn нэртэй facebook хуудаснаас “Өвөрхангай аймгийн Бүрд сум Ар хөшөөт гэх газар газрын гүнээс нэгэн шинэ булаг оргилон гарчээ. Байгаль дэлхий түмэн гайхамшигаар дүүрэн юм даа” гэсэн тайлбартай бичлэг (архивласан хувилбар) нийтэлжээ. Тус постыг 8,300 гаруй реакц, 265 сэтгэгдлээр идэвхжүүлж, 447 удаа цааш түгээжээ.

FACTCHECK:

Бид түгээсэн бичлэгийг Google Lens ашиглан шалгахад, 2026 оны 04 дугаар сарын 28-нд Монголын цахим орчинд энд, энд бас энд өндөр хандалтай түгжээ.

Харин шалгасан бичлэгтэй адил бичлэг 2023 оноос хойш Хятадын Douyin, Instagram, TikTok-ийн хэд хэдэн хаягт өндөр хандалттай түгжээ. Тухайлбал, 2023 оны 08 дугаар сарын 28-нд Douyin платформд 全景青海 нэртэй хаягаас “Байгалийн өгөгдсөн аварга тогоо байна, халуун тогоо идэх хүмүүс яараарай” гэх тайлбартай нийтэлсэн байна.

Мөн 2025 оны 05 дугаар сарын 06-нд Хятадын Douyin платформд “Халуун рашаанд ороход ердөө 10 юань” гэсэн тайлбартай түгээжээ.

Дүгнэхэд, бидний шалгасан газрын гүнээс ус оргилон гарч ирж буй бичлэг нь Монголд биш бөгөөд 2023 оноос хойш Douyin (Хятад TikTok хувилбар) платформд “Байгалийн халуун рашаан” гэсэн тайлбартай түгсэн байна.

Аливаа мэдээллийг хуваалцахаасаа өмнө #ЭхлээдБод #Think1st

Та бүхэн манай төвийн баримт нягталсан мэдээтэй холбоотой аливаа санал хүсэлт, залруулга хийлгэх болон бусад санал гомдлоо редакцын hello@mfcc.mn имэйл хаягаар ирүүлнэ үү.

ЭХ СУРВАЛЖ, ХОЛБООТОЙ НИЙТЛЭЛҮҮД

Шалгасан мэдээлэл (архивласан хувилбар)

Эх сурвалж

Douyin (Хятад TikTok хувилбар) платформд түгсэн бичлэг

Ерөнхий агуулга

Хуваалцах

Бид Олон Улсын Баримт Шалгагчдын Сүлжээ (International Fact-Checking Network)-ний ёс зүйн кодын дагуу аливаа мэдээллийг баримтаар баталгаажуулан шалгадаг. Баримтаар шалгасан мэдээллээ #ҮНЭН, #ХУДАЛ, #ТӨӨРӨГДҮҮЛСЭН, #БҮРЭН БУС, #ЭВЛҮҮЛЭГ, #ЕГӨӨДӨЛ гэсэн зургаан төрлөөр ангилж, олон нийтэд үнэн бодит мэдээлэл түгээн ажиллаж байна.