“No Kings” жагсаалын зургийг Эпштэйний файлтай холбон тайлбарлаж, төөрөгдүүлжээ

#FactCheckedByMFCC | Шалгасан кэйсийн дугаар 1782

Шалгасан: MFCC
2026-02-11

Checked by: MFCC

Ерөнхий агуулга

“Америкчууд Эпштэйний бүх файлууд, нэрсийг бүгдийг нээхийг шаардсан жагсаал АНУ-ын том хотуудад өрнөж буй аж” гэх тайлбартай жагсаалын зураг нийтэлжээ.

Баримт шалгалтын үр дүн

2025 оны 10 дугаар сарын 18-нд болж өрнөсөн Ерөнхийлөгч Доналд Трампын засаг захиргааг эсэргүүцсэн жагсаалын зургийг ашиглан Эпштэйний хэрэгтэй холбон тайлбарлаж төөрөгдүүлжээ.

Энэхүү мэдээлэлд Мета компанийн Хөндлөнгийн баримт шалгах хөтөлбөрийн хүрээнд тэмдэглэгээ зүүж анхааруулсан болно. (Дэлгэрэнгүйг энд болон эндээс уншина уу.)

2025 оны 02 дугаар сарын 10-нд Delgermaa Beckbat (архивласан хувилбар) нэртэй хаягаас “Америкчууд Эпштэйний бүх файлууд, нэрсийг бүгдийг нээхийг шаардсан жагсаал АНУ-ын том хотуудад өрнөж буй аж. 10.02.2026” гэх тайлбартайгаар өргөн хэмжээний жагсаалын зургууд нийлүүлэн оруулжээ. Тус постыг нийт 382 реакц, 30 сэтгэгдлээр идэвхжүүлж, 54 удаа цааш түгээсэн байна.

FACTCHECK: Бид дараах байдлаар баримтаар шалгалаа

Шалгасан мэдээлэлд хавсаргасан зургийн хэсэг бүрийг Google Lens хайлтын системээр хайхад 2025 оны 10 дугаар сарын 18-нд АНУ даяар өрнөсөн “No Kings” хөдөлгөөний мэдээллүүд илэрцээр гарч ирлээ. (энд, энд бас энд)

“No Kings” нь Америкийн ард иргэд Ерөнхийлөгч Доналд Трампын засаг захиргааг эсэргүүцэн хийж буй хөдөлгөөн юм. “Америк улс хаад ноёд, дарангуйлагч, дарлагчдад харьяалагддаггүй, харин жинхэнэ боломжийн төлөө санаа тавьдаг, дуугардаг, тэмцдэг ард иргэдэд харьяалагддаг” гэх гол үзэл баримтлалтай эл хөдөлгөөн үргэлжилсээр байгаа аж.

Тус хөдөлгөөн 2025 оны зургаадугаар сард эхэлсэн ба 2025 оны 10 дугаар сарын 18-нд АНУ-ын 50 мужийг хамарсан, 7 сая гаруй иргэн оролцсон жагсаал болсон. Доор зурагт No Kings хөдөлгөөний сайтад нийтлэгдсэн бичлэгийн хэсэг болон шалгасан зургийг харьцуулан харууллаа.

Харин шалгасан мэдээлэлд өмнө болсон үйл явдлын зургийг ашиглан одоо өрнөж буй жагсаал мэтээр тайлбарлан төөрөгдүүлжээ.

Дүгнэвэл, 2025 оны 10 дугаар сарын 18-нд болж өрнөсөн Ерөнхийлөгч Доналд Трампын засаг захиргааг эсэргүүцсэн жагсаалын зургийг Эпштэйний файлтай холбон тайлбарлаж, төөрөгдүүлжээ.

Аливаа мэдээллийг хуваалцахаасаа өмнө #ЭхлээдБод #Think1st

Та бүхэн манай төвийн баримт нягталсан мэдээтэй холбоотой аливаа санал хүсэлт, залруулга хийлгэх болон бусад санал гомдлоо редакцын hello@mfcc.mn имэйл хаягаар ирүүлнэ үү.

ЭХ СУРВАЛЖ, ХОЛБООТОЙ НИЙТЛЭЛҮҮД

Шалгасан мэдээлэл (архивласан хувилбар)

Эх сурвалжууд

Google Lens хайлтын системийн илэрц

No Kings жагсаалын тухай мэдээлэл

“No Kings” хөдөлгөөний сайт

Ерөнхий агуулга

Хуваалцах

Бид Олон Улсын Баримт Шалгагчдын Сүлжээ (International Fact-Checking Network)-ний ёс зүйн кодын дагуу аливаа мэдээллийг баримтаар баталгаажуулан шалгадаг. Баримтаар шалгасан мэдээллээ #ҮНЭН, #ХУДАЛ, #ТӨӨРӨГДҮҮЛСЭН, #БҮРЭН БУС, #ЭВЛҮҮЛЭГ, #ЕГӨӨДӨЛ гэсэн зургаан төрлөөр ангилж, олон нийтэд үнэн бодит мэдээлэл түгээн ажиллаж байна.