АНУ-д газар доор уусган олборлох аргаар олборлолт явуулж байгаа 6 орд байна

#FactCheckedByMFCC | Шалгасан кэйсийн дугаар 1765

Шалгасан: MFCC
2026-01-30

Checked by: MFCC

Ерөнхий агуулга

“АНУ-д хүхрийн хүчил шахах аргыг хорьсон. Маш хортой гэж үзсэн” гэсэн пост нийтэлжээ.

Баримт шалгалтын үр дүн

АНУ-д хүхрийн хүчиил шахах аргыг хориглосон талаар мэдээлэл байхгүй байна. Харин 2025 оны гуравдугаар улиралын байдлаар АНУ-д газар доор уусган олборлох аргаар идэвхтэй олборлолт явуулж байгаа 6 ордын талбай бүртгэлтэй байна. Мөн 6 лицензийн бүртгэлтэй байгаа орд газар байна.

Энэхүү мэдээлэлд Мета компанийн Хөндлөнгийн баримт шалгах хөтөлбөрийн хүрээнд тэмдэглэгээ зүүж анхааруулсан болно. (Дэлгэрэнгүйг энд болон эндээс уншина уу.)

2025 оны нэгдүгээр сарын 25-ны өдөр Н. Болормаа (архивласан хувилбар) гэх нэртэй Facebook хаягаас “АНУ-д хүхрийн хүчил шахах аргыг хорьсон. Маш хортой гэж үзсэн” гэсэн пост нийтэлжээ. Тус постыг 14 сэтгэгдлээр идэвхжүүлж, 2,500 гаруй удаа цааш түгээжээ.

Энэхүү постыг 2026 оны нэгдүгээр сарын 26-ны өдрөөс дахин идэвхжүүлж байгаа тул баримтаар шалгалаа.

FACTCHECK: Бид дараах байдлаар баримт шалгалт хийлээ

Дэлхийн цөмийн холбооны World Nuclear вэб хуудаст нийтлэгдсэн, 2026 оны нэгдүгээр сарын 20-нд шинэчэлсэн мэдээллээр “Одоогоор АНУ, Казахстан, Узбекстан улсын ураны олборлолтын ихэнх хэсэг нь газар доор уусган олборлох аргаар явагдаж байна” гэжээ.

Ураныг газар доор уусган олборлох, Эх сурвалж: Дэлхийн цөмийн холбоо

Мөн АНУ-ын Эрчим хүчний мэдээллийн захиргаа (EIA)-ны албан ёсны сайтад “Дотоодын ураны үйлдвэрлэлийн тайлан”-г нээлттэй байршуулжээ. Тайланд 2025 оны АНУ-ын газар доор уусган олборлох (ГДУО) аргаар уран олборлох орд газрын эзэмшигч, байршил, хүчин чадал, үйл ажиллагааны төлөвийн мэдээллийг хүснэгтээр харуулсан байна. Тодруулбал, 2025 оны гуравдугаар улиралын байдлаар АНУ-д газар доор уусган олборлох аргаар идэвхтэй олборлолт явуулж байгаа 6 ордын талбай бүртгэлтэй байна. Мөн лицензийн бүртгэлтэй байгаа 6 орд байна.

АНУ-ын газар доор уусган олборлох аргаар уран олборлолт явуулах орд газрын эзэмшигч, байршил, хүчин чадал, үйл ажиллагааны төлөв, Эх сурвалж: АНУ-ын Эрчим хүчний мэдээллийн захиргаа

Газар дор уусган олборлолт нь битүү цикл орчинд явагддаг бөгөөд хөрсний гүнд өрөмдсөн цооногоор хүхрийн хүчилтэй уусмалыг шахаж, ураныг уусган авдаг

ГДУО арга нь хүхрийн хүчлийг шууд газар руу шахдаггүй бөгөөд гүний үйлдвэрлэлийн усыг соруулж аваад, хоёр хувийн концентрацтай хүхрийн хүчлийг нэм ж, хүчилжүүлсэн усыг ураны хүдэржилт байрлах уст үе рүү цооногоор шахна. Уг уусмал хүдрийн биетээр нэвтрэхдээ ураныг өөртөө уусгаад, соруулах цооногт хүрч, газрын гадаргa руу сорогдон гарч ирснээр боловсруулах хэсэгт хүргэгддэг технологи юм.

*Газар доор уусган олборлох аргыг загварчлан харуулсан нь*
*Эх сурвалж: Дэлхий цөмийн холбооны* World Nuclear News мэдээллийн сайт

Газар дор уусган олборлолт нь битүү цикл орчинд явагддаг бөгөөд хөрсний гүнд өрөмдсөн цооногоор хүхрийн хүчилтэй уусмалыг шахаж, ураныг уусган авдаг. Үүний дараа үлдсэн хүхрийн хүчлийг саармагжуулах арга хэмжээ авч, гүний усанд тогтмол хяналт тавьснаар олборлолтын явц, аюулгүй байдлыг ханган ажилладаг байна.

Дүгнээд хэлбэл, “АНУ-д хүхрийн хүчиил шахах” аргыг хориглосон талаар мэдээлэл байхгүй байна. Харин 2025 оны гуравдугаар улирлын байдлаар АНУ-д газар доор уусган олборлох аргаар идэвхтэй олборлолт явуулж байгаа 6 ордын талбай бүртгэлтэй байна. Мөн 6 лицензийн бүртгэлтэй орд газар байна.

Аливаа мэдээллийг хуваалцахаасаа өмнө #ЭхлээдБод #Think1st

Та бүхэн манай төвийн баримт нягталсан мэдээтэй холбоотой аливаа санал хүсэлт, залруулга хийлгэх болон бусад санал гомдлоо редакцын hello@mfcc.mn имэйл хаягаар ирүүлнэ үү.

ЭХ СУРВАЛЖ, ХОЛБООТОЙ НИЙТЛЭЛҮҮД

Шалгасан мэдээлэл (архивласан хувилбар)

Эх сурвалж

Дэлхийн цөмийн холбоо

АНУ-ын Эрчим Хүчний Мэдээллийн Захиргаа

Дэлхийн Цөмийн Холбооноос гаргасан ураны уурхайн тойм

ГДУО аргын талаар

Дэлхийн Цөмийн Холбооноос гаргасан уран олборлох ГДУО аргын тухай

Ерөнхий агуулга

“АНУ-д хүхрийн хүчил шахах аргыг хорьсон. Маш хортой гэж үзсэн” гэсэн пост нийтэлжээ.

Хуваалцах

Бид Олон Улсын Баримт Шалгагчдын Сүлжээ (International Fact-Checking Network)-ний ёс зүйн кодын дагуу аливаа мэдээллийг баримтаар баталгаажуулан шалгадаг. Баримтаар шалгасан мэдээллээ #ҮНЭН, #ХУДАЛ, #ТӨӨРӨГДҮҮЛСЭН, #БҮРЭН БУС, #ЭВЛҮҮЛЭГ, #ЕГӨӨДӨЛ гэсэн зургаан төрлөөр ангилж, олон нийтэд үнэн бодит мэдээлэл түгээн ажиллаж байна.