2026 оны 01 дүгээр сарын 22-нд Арслан.мн Arslan mn (архивласан хувилбар) хуудаснаас “102 аппликейшнээр замын хөдөлгөөний зөрчил ирүүлсэн иргэн 6,164,800 төгрөгийн урамшуулал авчээ” гэх мэдээлэл түгээснийг нийт 14 реакц, 5 сэтгэгдлээр идэвхжүүлж, 42 удаа цааш түгээжээ.
FACTCHECK: Бид дараах байдлаар баримт шалгалт хийлээ
Шалгасан мэдээлэлд 102 аппликейшний буцаан олголтыг харуулсан зураг хавсаргажээ. Тус зургийг Google Lens хайлтын системээр хайхад зургийг эх хувилбарыг 2026 оны 01 дүгээр сарын 21-нд Nyamdorj Battumur хаягт (архивласан хувилбар) “зөвхөн ажил гэрийн үүдэнд явган хүний зам дээр зогссон оркуудыг торгоход #easy 6 сая” гэх тайлбартай нийтэлжээ.
Зургийг сайтар ажиглавал э,ө үзэг эвдэрсэн буюу хэвийн бус харагдаж байна. TIME.MN хуудаст оруулсан зөрчлийн мэдээллийн буцаан олголтын жишээ зураг дахь текстийг шалгасан зургийг тексттэй харьцуулан доорх зурагт харууллаа.
Мөн зургийг нийтэлсэн хэрэглэгч тус зургийг эвлүүлсэн, хиймэл оюунаар бүтээсэн гэдгийг сэтгэгдэл хэсэгтээ бичжээ. Тодруулбал, 2026 оны 01 дүгээр сарын 22-нд нийтэлсэн зургийн сэтгэгдэл хэсэгтээ “chatGPT ө үсгийг е үсгээр хийгээд байна” хэмээн бичжээ.
Шалгасан зургийг Hive Moderation, IMGDetector хиймэл оюунаар бүтээсэн зураг шалгах хэрэглүүрээр шалгахад хиймэл оюунаар бүтээсэн гэж гарч ирлээ.
Үүнээс харвал хэрэглэгч егөөдөж оруулсан зургийг Арслан.мн хуудаснаас жинхэнэ мэтээр түгээн төөрөгдүүлжээ.
