Гаднын AI-аар бүтээсэн бичлэгт зохиомол түүх нэмж түгээжээ

#FactCheckedByMFCC | Шалгасан кэйсийн дугаар 1722

Шалгасан: MFCC
2025-12-26

Checked by: MFCC

Ерөнхий агуулга

“2022 онд Энэтхэгийн Махараштра мужийн нэгэн зам дээр ачаагаа эмхэлж байсан нэгэн эмэгтэй огт санаанд оромгүй аймшигтай нөхцөл байдалтай тулгарчээ” гэх агуулгатай бичлэг түгээжээ.

Баримт шалгалтын үр дүн

ТикТок платформын @benzaev гэх гаднын хэрэглэгчийн AI-аар бүтээсэн бичлэгийг 2022 онд Энэтхэгийн Махараштра мужид болсон үйл явдал хэмээн түгээж, төөрөгдүүлжээ.

Энэхүү мэдээлэлд Мета компанийн Хөндлөнгийн баримт шалгах хөтөлбөрийн хүрээнд тэмдэглэгээ зүүж анхааруулсан болно. (Дэлгэрэнгүйг энд болон эндээс уншина уу.)

2025 оны 12 дугаар сарын 24-нд Сурвалж.мн – Survalj.mn нэртэй Facebook пэйж “2022 онд Энэтхэгийн Махараштра мужийн нэгэн зам дээр ачаагаа эмхэлж байсан нэгэн эмэгтэй огт санаанд оромгүй аймшигтай нөхцөл байдалтай тулгарчээ” гэх агуулгатай бичлэг түгээжээ. Тус бичлэгийг 386 реакц, 25 сэтгэгдлээр идэвхжүүлж, 38 удаа цааш түгээж, 241 мянган удаа үзжээ.

FACTCHECK:

Бичлэгийн эх хувилбар

Түгээсэн бичлэгийн эх хувилбарыг хайхад, TikTok платформд 13 мянган дагагчтай @benzaev гэх хэрэглэгчийн 2025 оны 12 дугаар сарын 14-нд оруулсан 2.5 сая үзэлттэй бичлэг байлаа. @benzaev нь TikTok-д хиймэл оюун ухаанаар бүтээсэн бичлэгүүд оруулдгаараа танигдсаныг доорх зургаас харж болно.

Зураг, бичлэгийг хиймэл оюун ухаанаар бүтээсэн эсэхийг шалгая

Бид түгээсэн бичлэгийг HiveModeration хэрэглүүр ашиглан шалгахад тус бичлэгийг үүсгэхэд хиймэл оюун ухаан ашигласан нь 99.9 хувийн магадлалтай гэсэн үр дүн гарлаа. Мөн тэрээр OpenAI-ийн Sora-2 модель ашигласан нь харагдаж байна.

Дүгнээд хэлбэл, хиймэл оюун ухаан хурдацтай хөгжиж буй энэ үед хүний нүдээр хиймэл оюун ухаанаар бүтээсэн эсхүл бодит зураг, бичлэг эсэхийг ялгахад бэрх болсон. Энэ явдлыг ашиглан цахим орчинд хандалтай өсгөх, мэдээллийн агуулгыг гуйвуулж түгээх, медиа манипуляц хийх зэрэг нь түгээмэл болж байна. Иймд та эргэлзээтэй зураг, бичлэгийг HiveModeration, SightEngine, ImageWhisperer хэрэглүүр ашиглан хиймэл оюун ухаанаар бүтээсэн эсэхийг шалгаж байгаарай.

Аливаа мэдээллийг хуваалцахаасаа өмнө #ЭхлээдБод #Think1st

Та бүхэн манай төвийн баримт нягталсан мэдээтэй холбоотой аливаа санал хүсэлт, залруулга хийлгэх болон бусад санал гомдлоо редакцын hello@mfcc.mn имэйл хаягаар ирүүлнэ үү.

ЭХ СУРВАЛЖ, ХОЛБООТОЙ НИЙТЛЭЛҮҮД

Шалгасан мэдээлэл (архивласан хувилбар)

Эх сурвалжууд

@benzaev гэх TikTok хэрэглэгчийн AI-аар бүтээсэн бичлэг

HiveModeration – AI-аар бүтээсэн зураг, бичлэг шалгадаг хэрэглүүр

SightEngine – AI-аар бүтээсэн зураг, бичлэг, дуу шалгадаг хэрэглүүр

ImageWhisperer – AI-аар бүтээсэн зураг хэрэглүүр

Ерөнхий агуулга

Хуваалцах

Бид Олон Улсын Баримт Шалгагчдын Сүлжээ (International Fact-Checking Network)-ний ёс зүйн кодын дагуу аливаа мэдээллийг баримтаар баталгаажуулан шалгадаг. Баримтаар шалгасан мэдээллээ #ҮНЭН, #ХУДАЛ, #ТӨӨРӨГДҮҮЛСЭН, #БҮРЭН БУС, #ЭВЛҮҮЛЭГ, #ЕГӨӨДӨЛ гэсэн зургаан төрлөөр ангилж, олон нийтэд үнэн бодит мэдээлэл түгээн ажиллаж байна.