Unitel-ийн логотой хуурамч пэйжээс "үнэгүй дата өгнө" хэмээн хуурч, залилж байна

Unitel-ийн логотой хуурамч пэйжээс “үнэгүй дата өгнө” хэмээн хуурч, залилж байна

#FactCheckedByMFCC | Шалгасан кэйсийн дугаар 1676

Шалгасан: MFCC
2025-11-27

Checked by: MFCC

Ерөнхий агуулга

“Юнителийн үнэгүй дата өгнө, чатаар холбогдоорой” гэх агуулгатай постууд түгээжээ.

Баримт шалгалтын үр дүн

Үүсээд удаагүй, цөөн дагагчтай, Юнителийн лого ашигласан хуурамч пэйжээс иргэдэд үнэгүй дата өгнө хэмээн хуурч, утсанд ирэх баталгаажуулах код авч, залилж байна.

Энэхүү мэдээлэлд Мета компанийн Хөндлөнгийн баримт шалгах хөтөлбөрийн хүрээнд тэмдэглэгээ зүүж анхааруулсан болно. (Дэлгэрэнгүйг энд болон эндээс уншина уу.)

Facebook платформд “Ногоон бэлэг” гэх нэртэй хаягуудаас (энэ, энэ, энэ) “Юнителийн үнэгүй дата өгнө, чатаар холбогдоорой” гэх агуулгатай постууд (энд, энд, энд) түгээжээ.

FACTCHECK:

Хаягийг шалгая

“Ногоон бэлэг” нэртэй пэйжийг шалгахад, үүссэн огноо нь саяхан буюу 2025 оны 11 дүгээр сарын 21, танилцуулга (intro) хэсэг нь хоосон, цөөн дагагчтай зэргээс хуурамч хаяг гэдэг нь нотлогдож байна.

Хуурамч хаяг болон албан ёсны хаягийн ялгаа

Агуулгыг шалгая

Шалгасан постод заасны дагуу чатаар холбогдоход утасны дугаараа өгөхийн зэрэгцээ утсанд ирэх баталгаажуулах кодоо явуулахыг шаардлаа. Ийнхүү таны баталгаажуулах код бусдын гарт орсноор интернэт банк, сошиал болон имэйл хаяг тань эрсдэлд орох аюултай. Албан байгууллага танаас хэзээ ч нууц үг, баталгаажуулах код утсаар болон чатаар асуудаггүй гэдгийг санаарай.

Иймд мессежээр ирэх баталгаажуулах кодыг хэнд ч бүү өгөөрэй.

Залилангийн түгээмэл шинж тэмдэг нь цэг таслалгүй, үг үсгийн болон өгүүлбэр зүйн алдаатай бичих явдал байдаг.

Дүгнэвэл, үүсээд удаагүй, цөөн дагагчтай пэйжээс баталгаажуулах код авах зорилготойгоор Юнител ХХК-ийн нэрийг барьж, үнэгүй дата өгнө хэмээн иргэдийг хуурч, залилж байна. Иймээс баталгаатай эх сурвалжийг хэрхэн таних аргыг эндээс үзээрэй.

Аливаа мэдээллийг хуваалцахаасаа өмнө #ЭхлээдБод #Think1st

Та бүхэн манай төвийн баримт нягталсан мэдээтэй холбоотой аливаа санал хүсэлт, залруулга хийлгэх болон бусад санал гомдлоо редакцын hello@mfcc.mn имэйл хаягаар ирүүлнэ үү.

ЭХ СУРВАЛЖ, ХОЛБООТОЙ НИЙТЛЭЛҮҮД

Шалгасан мэдээлэл (архивласан хувилбар)

Эх сурвалжууд

Юнител ХХК (албан ёсны Facebook хаяг)

Баталгаажуулах код гэж юу вэ?

Нэвтрэх нэр, нууц үг, баталгаажуулах кодоо хэнд ч бүү өг

Баталгаатай эх сурвалжийг хэрхэн таних вэ?

Ерөнхий агуулга

“Юнителийн үнэгүй дата өгнө, чатаар холбогдоорой” гэх агуулгатай постууд түгээжээ.

Хуваалцах

Бид Олон Улсын Баримт Шалгагчдын Сүлжээ (International Fact-Checking Network)-ний ёс зүйн кодын дагуу аливаа мэдээллийг баримтаар баталгаажуулан шалгадаг. Баримтаар шалгасан мэдээллээ #ҮНЭН, #ХУДАЛ, #ТӨӨРӨГДҮҮЛСЭН, #БҮРЭН БУС, #ЭВЛҮҮЛЭГ, #ЕГӨӨДӨЛ гэсэн зургаан төрлөөр ангилж, олон нийтэд үнэн бодит мэдээлэл түгээн ажиллаж байна.