2025 оны 11 дүгээр сарын 22-нд “nomin.mn fans” нэртэй Facebook пэйж “Ойн баяраа тэмдэглэж байна. 2025 оны 11-р сарын 25-наас өмнө манай хуудсанд “Баяр хүргэе” гэж бичсэн хүн бүрд тусгай цүнх, үнэгүй гар утас, бэлэн мөнгө, худалдан авалтын ваучер бэлэглэнэ” гэх агуулгатай пост түгээсэн нь 6400 реакц, 20 гаруй мянган сэтгэгдэл авч, 27 мянган удаа цааш түгээжээ.
Энэхүү мэдээлэлд Мета компанийн Хөндлөнгийн баримт шалгах хөтөлбөрийн хүрээнд тэмдэглэгээ зүүж анхааруулсан болно. (Дэлгэрэнгүйг энд болон эндээс уншина уу.)
FACTCHECK:
Пост түгээсэн пэйжийн ил тод байдлыг шалгахад, дөнгөж нэг хоногийн өмнө буюу 2025 оны 11 дүгээр сарын 22-нд үүсгэсэн, танилцуулга хэсэгт холбоо барих дугаар, хаяг, албан ёсны вэбсайт зэргээ дурдаагүй нь хуурамч пэйжүүдийн түгээмэл шинж тэмдэг аж.
Түгээсэн постод ашигласан зургуудыг шалгахад Nomin Holding-ийн албан ёсны вэбсайт дээрх Баянхонгор аймгийн Рашаан сумын салбарын зургийг ашиглажээ. Мөн гаднын худалдааны төвүүдэд авсан зургуудыг ашигласныг доорх зургаас үзээрэй.
Дүгнээд хэлбэл, аливаа тэмдэглэлт баяр ёслол, хямдралын үеийг тохиолдуулан ийм төрлийн цахим залилан гарч ирж, иргэдийг хууран мэхлэх аргаар хандалтаа өсгөх, бүр цаашлаад хувийн мэдээлэл авах, урьдчилгаа, хүргэлтийн мөнгө авах зэргээр хохирол учруулдаг. Энэ төрлийн залиланг бид өмнө нь баримтаар шалгаж байсныг энд, энд, эндээс үзээрэй.
Иймд та цахим орчинд ямарваа бэлэг урамшуулал, хямдрал амласан постыг дараах 3 алхмаар нягталж өөрийгөө болон ойр дотнын хүнээ залилуулахаас сэргийлээрэй.
