Yves Rocher-ийн нэрийг барин урамшуулал амлаж, залилан үйлдэж байна

#FactCheckedByMFCC | Шалгасан кэйсийн дугаар 1632

Шалгасан: MFCC
2025-10-21

Checked by: MFCC

Ерөнхий агуулга

“Ердөө 8400 төгрөг төлөөд Yves Rocher-ийн гоо сайхны бүтээгдэхүүнтэй хайрцаг аваарай” гэх агуулгатай пост зургийн хамт түгээжээ.

Баримт шалгалтын үр дүн

Yves Rocher-ийн Монгол дахь албан ёсны пэйжээс тус постыг няцааж, хувийн мэдээлэл, дансны мэдээлэл өгөхгүй байх, ямарваа холбоос дээр дарахгүй байхыг анхааруулжээ.

Энэхүү мэдээлэлд Мета компанийн Хөндлөнгийн баримт шалгах хөтөлбөрийн хүрээнд тэмдэглэгээ зүүж анхааруулсан болно. (Дэлгэрэнгүйг энд болон эндээс уншина уу.)

2025 оны 09 дүгээр сарын 30-нд Номин-Эрдэнэ Доржсүрэн нэртэй Facebook пэйж “Ердөө 8400 төгрөг төлөөд Yves Rocher-ийн гоо сайхны бүтээгдэхүүнтэй хайрцаг аваарай” гэх агуулгатай пост зургийн хамт түгээжээ. Тус постыг 309 реакц, 4 сэтгэгдлээр идэвхжүүлж, 137 удаа цааш түгээжээ.

FACTCHECK:

Түгээсэн хаягийг шалгая

Саяхан буюу 2025 оны 09 дүгээр сарын 04-нд үүссэн тус пэйжийг Украин улсаас хоёр админ удирдаж байна. Номин-Эрдэнэ Доржсүрэн пэйж нь түгээсэн постоо идэвхжүүлснийг (boost) доорх зургаас харж болно.

Түгээсэн зургийг шалгая

Pinterest платформын alexiam227 нэртэй хэрэглэгчийн зуран дээр баримт нэмж засварлан түгээжээ.

Yves Rocher Mongolia-аас гаргасан анхааруулга

2025 оны 10 дугаар сарын 17-нд Монгол дахь Yves Rocher-ийн албан ёсны пэйжээс дараах анхааруулгыг гаргаж, хуурамч пэйжээр дамжуулж хувийн мэдээлэл, дансаа холбохгүй байхыг сануулжээ.

Yves Rocher Mongolia-ийн анхааруулга (2025-10-17)

Дүгнээд хэлбэл түгээсэн хаяг нь нээгдээд удаагүй, гаднын улсаас удирддаг админтай, бусдын зургийг зөвшөөрөлгүй ашигласан, итгэхэд бэрх үнийн дүн зэрэг хуурамч мэдээлэл, постын түгээмэл шинжүүдийг агуулжээ. Мөн Yves Rocher Mongolia-аас тус түгээсэн хуурамч постод залилуулж, хувийн мэдээлэл, дансаа өгөхгүй байхыг анхааруулсан.

Иймд та аливаа байгууллага, компанийн нэр барьж урамшуулал, хямдрал, шагнал амласан постыг заавал албан ёсны хаяг, пэйж, вэбсайттай харьцуулж шалгаж байхыг зөвлөе.

Гаднын улсаас ийм залилангийн пост Facebook-т ихээр түгж байгаа ба үүнтэй төстэй өмнөх баримт шалгалтуудыг энд, энд, эндээс үзээрэй.

Аливаа мэдээллийг хуваалцахаасаа өмнө #ЭхлээдБод #Think1st

Та бүхэн манай төвийн баримт нягталсан мэдээтэй холбоотой аливаа санал хүсэлт, залруулга хийлгэх болон бусад санал гомдлоо редакцын hello@mfcc.mn имэйл хаягаар ирүүлнэ үү.

ЭХ СУРВАЛЖ, ХОЛБООТОЙ НИЙТЛЭЛҮҮД

Шалгасан мэдээлэл (архивласан хувилбар)

Эх сурвалжууд

Yves Rocher Mongolia-аас гаргасан анхааруулга

Баримт шалгалт: Sendly ББСБ-ын контентыг ашигласан хуурамч пэйжээр цахим залилан үйлдэж байна

Баримт шалгалт: Нигери улсаас удирддаг олон тооны хуурамч пэйжээр залилан үйлдэж байна

Баримт шалгалт: Нигери улсаас үл хөдлөх зууч RE/MAX-ийн ажилтнуудын нэрийг барьж залилан хийж байна

Ерөнхий агуулга

Хуваалцах

Бид Олон Улсын Баримт Шалгагчдын Сүлжээ (International Fact-Checking Network)-ний ёс зүйн кодын дагуу аливаа мэдээллийг баримтаар баталгаажуулан шалгадаг. Баримтаар шалгасан мэдээллээ #ҮНЭН, #ХУДАЛ, #ТӨӨРӨГДҮҮЛСЭН, #БҮРЭН БУС, #ЭВЛҮҮЛЭГ, #ЕГӨӨДӨЛ гэсэн зургаан төрлөөр ангилж, олон нийтэд үнэн бодит мэдээлэл түгээн ажиллаж байна.