Гаднын бичлэгт монгол хэлээр дуу оруулж, "хотод баавгай ирсэн" гэх хуурамч тайлбартай түгээжээ

Гаднын бичлэгт монгол хэлээр дуу оруулж, “хотод баавгай ирсэн” гэх хуурамч тайлбартай түгээжээ

#FactCheckedByMFCC | Шалгасан кэйсийн дугаар 1614

Шалгасан: MFCC
2025-10-07

Checked by: MFCC

Ерөнхий агуулга

“Иргэний бичлэг: Сүрлэг амьтан юм аа” гэх гарчигтай, “Хотод баавгай ирсэн байна шүү!” гэх хадмалтай бичлэг түгээжээ.

Баримт шалгалтын үр дүн

Тус бичлэг нь БНХАУ-ын Heilongjiang мужийн Greater Khingan ууланд хог, хаягдал ихээр байгааг шүүмжлэхийн зэрэгцээ баавгай харсан тухай байжээ.

2025 оны 10 дугаар сарын 06-ны 17:30 цагийн үед Shark.mn нэртэй Facebook пэйж “Иргэний бичлэг: Сүрлэг амьтан юм аа” гэх гарчигтай, “Хотод баавгай ирсэн байна шүү!” гэх хадмалтай бичлэг түгээжээ. Уг бичлэгийг 3100 гаруй реакц, 395 реакцаар идэвхжүүлж, 825 удаа цааш түгээжээ.

FACTCHECK: Бид дараах байдлаар баримт шалгалт хийлээ

Бид түгээсэн бичлэгийг Google Lens ашиглан шалгахад, 2025 оны 10 дугаар сарын 05-нд буюу Монголын цахим орчинд түгж эхлэхээс нэг хоногийн өмнө БНХАУ-ын мэдээллийн вэбсайт болох sohu.com энэ талаар мэдээлжээ. Тус мэдээлэлд нэгэн иргэн БНХАУ-ын Heilongjiang мужийн Greater Khingan ууланд хог, хаягдал ихээр байгааг шүүмжлэхийн зэрэгцээ баавгай харсан тухай дурджээ.

Мөн Instagram платформд хоёр сая гаруй дагагчтай “bestchinesevideos” хэрэглэгч 2025 оны 10 дугаар сарын 6-ны 13:00 цагийн үед тус бичлэгийг түгээсэн нь 818 реакц, 48 сэтгэгдэл авчээ.

Дүгнээд хэлбэл, БНХАУ-ын мэдээллийн вэбсайт болон цахим орчинд түгсэн эх бичлэгийг хуулж аван, дууг нь хааж, нэмж монгол хэлээр хоолой дэвсээд, Монголд болж буй мэтээр түгээж, төөрөгдүүлжээ.

Аливаа мэдээллийг хуваалцахаасаа өмнө #ЭхлээдБод #Think1st

Та бүхэн манай төвийн баримт нягталсан мэдээтэй холбоотой аливаа санал хүсэлт, залруулга хийлгэх болон бусад санал гомдлоо редакцын hello@mfcc.mn имэйл хаягаар ирүүлнэ үү.

ЭХ СУРВАЛЖ, ХОЛБООТОЙ НИЙТЛЭЛҮҮД

Шалгасан мэдээлэл

Эх сурвалжууд

www.sohu.com-ийн мэдээлэл (2025-10-05)

“bestchinesevideos” Instagram хэрэглэгчийн бичлэг (2025-10-06)

Хуваалцах

Бид Олон Улсын Баримт Шалгагчдын Сүлжээ (International Fact-Checking Network)-ний ёс зүйн кодын дагуу аливаа мэдээллийг баримтаар баталгаажуулан шалгадаг. Баримтаар шалгасан мэдээллээ #ҮНЭН, #ХУДАЛ, #ТӨӨРӨГДҮҮЛСЭН, #БҮРЭН БУС, #ЭВЛҮҮЛЭГ, #ЕГӨӨДӨЛ гэсэн зургаан төрлөөр ангилж, олон нийтэд үнэн бодит мэдээлэл түгээн ажиллаж байна.