АI ашиглан бүтээсэн бичлэгээр мэдээллийн агуулгад хүч нэмжээ

#FactCheckedByMFCC | Шалгасан кэйсийн дугаар 1608

Шалгасан: MFCC
2025-09-30

Checked by: MFCC

Ерөнхий агуулга

“Цагаачдын эсрэг Английн Лондон хотод албан ёсоор гэж 110000 хүн оролцсон жагсаал” гэх гарчигтай рийл түгээжээ.

Баримт шалгалтын үр дүн

Хавсаргасан рийлийг хиймэл оюун ухаан ашигласан бүтээж, постын агуулгад хүч нэмжээ. Энэ нь олон нийтийг эмх замбараагүй байдалд уриалах, турхирахад хиймэл оюуныг ашигласан жишээ юм.

Энэхүү мэдээлэлд Мета компанийн Хөндлөнгийн баримт шалгах хөтөлбөрийн хүрээнд тэмдэглэгээ зүүж анхааруулсан болно. (Дэлгэрэнгүйг энд болон эндээс уншина уу.)

2025 оны 09 дүгээр сарын 20-нд Нэхүүл.мн Facebook пэйж “Цагаачдын эсрэг Английн Лондон хотод албан ёсоор гэж 110000 хүн оролцсон жагсаал ( эрх баригчид дандаа тоог дардаг гэдгийг санаарай). Ер нь европ бүхэлдээ жагсаад байх юм. Харин манайхан үүнийг огт дамжуулахгүй. Америкаа магтаад л, ардчилал, эрх чөлөө, хүний эрх гэж зориуд төөрөгдүүлж иргэдийг мангууруулж байгаа” гэх гарчигтай рийл түгээжээ. Тус рийлийг 757 реакц, 31 сэтгэгдлээр идэвхжүүлж, 189 удаа цааш түгээжээ.

Энэ нь олон нийтийг эмх замбараагүй байдалд уриалах, турхирахад хиймэл оюуныг ашигласан жишээ тул баримтаар шалгаж нягтлах аргыг хуваалцаж байна.

FACTCHECK: Бид дараах байдлаар баримт шалгалт хийлээ

2025 оны 09 дүгээр сарын 13-ны Бямба гарагт эхэлсэн “цагаачлалын эсрэг” жагсаалд ойролцоогоор 110 мянган хүн оролцжээ. Энэхүү явдлыг CNN, Guardian, NY Times, CBS, Reuters зэрэг томоохон мэдээллийн сувгууд мэдээлсэн. Түгээсэн бичлэгт харагдах туг, далбаа хэт том байгааг доорх харьцуулсан зургаар үзүүллээ.

Түгээсэн бичлэгийн хэсэг болон мэдээллийн сувгуудын зураг бичлэг харьцуулсан нь

Бид зураг, бичлэгийг хиймэл оюун ухаан ашигласан эсэхийг шалгадаг хэрэглүүр Hive Moderation-ээр шалгахад 99.8 хувийн хиймэл оюун ухаан эсхүл Deepfake технологи ашигласан гэсэн үр дүн гарлаа.

Цахим орчинд хиймэл оюун ухаанаар бүтээсэн зураг, бичлэг ашиглан аливаа мэдээллийн агуулгыг хүчтэй харагдуулах, нөлөөг тэлэх, төөрөгдүүлэх тохиолдол түгээмэл байдаг. Иймд эргэлзээтэй, бодит бус мэт харагдах зураг бичлэгийг АСУУ чатбот руу илгээн шалгуулахаас гадна Hive Moderation хэрэглүүр ашиглан өөрөө шалгах боломжтой юм.

Иймд та Facebook, Instagram, Threads зэрэг платформд хиймэл оюун ухаан ашигласан зураг, бичлэг агуулсан пост түгээх гэж байгаа бол Meta-ийн олон нийтийн журмыг мөрдөж, “AI label” хэсгийг идэвхжүүлж хэвшээрэй.

Аливаа мэдээллийг хуваалцахаасаа өмнө #ЭхлээдБод #Think1st

Та бүхэн манай төвийн баримт нягталсан мэдээтэй холбоотой аливаа санал хүсэлт, залруулга хийлгэх болон бусад санал гомдлоо редакцын hello@mfcc.mn имэйл хаягаар ирүүлнэ үү.

ЭХ СУРВАЛЖ, ХОЛБООТОЙ НИЙТЛЭЛҮҮД

Шалгасан мэдээлэл (архивласан хувилбар)

Эх сурвалжууд

Hive Moderation – Зураг, бичлэгт AI ашигласан эсэхийг шалгадаг хэрэглүүр

CNN – “Цагаачлалын эсрэг” жагсаалын тухай мэдээ

Reuters – “Цагаачлалын эсрэг” жагсаалын тухай мэдээ

CBS – “Цагаачлалын эсрэг” жагсаалын тухай мэдээ

Ерөнхий агуулга

Хуваалцах

Бид Олон Улсын Баримт Шалгагчдын Сүлжээ (International Fact-Checking Network)-ний ёс зүйн кодын дагуу аливаа мэдээллийг баримтаар баталгаажуулан шалгадаг. Баримтаар шалгасан мэдээллээ #ҮНЭН, #ХУДАЛ, #ТӨӨРӨГДҮҮЛСЭН, #БҮРЭН БУС, #ЭВЛҮҮЛЭГ, #ЕГӨӨДӨЛ гэсэн зургаан төрлөөр ангилж, олон нийтэд үнэн бодит мэдээлэл түгээн ажиллаж байна.