2025 оны 09 дүгээр сарын 19-нөөс iPhone 17 утас албан ёсоор худалдаанд гарна

#FactCheckedByMFCC | Шалгасан кэйсийн дугаар 1584

Шалгасан: MFCC
2025-09-12

Checked by: MFCC

Ерөнхий агуулга

“iPhone 17 задаргаа” гэсэн гарчигтай рийл түгээжээ.

Баримт шалгалтын үр дүн

iPhone 17 утас 2025 оны 09 дүгээр сарын 12-оос урьдчилсан захиалга авч, 09 дүгээр сарын 19-нд албан ёсоор худалдаанд гарна гэж Apple компани албан ёсны вэбсайтдаа мэдэгджээ.

Энэхүү мэдээлэлд Мета компанийн Хөндлөнгийн баримт шалгах хөтөлбөрийн хүрээнд тэмдэглэгээ зүүж анхааруулсан болно. (Дэлгэрэнгүйг энд болон эндээс уншина уу.)

2025 оны 09 дүгээр сарын 11-нд Tommy Temka нэртэй Facebook хэрэглэгч “iPhone 17 задаргаа” гэсэн гарчигтай рийл түгээжээ. Тус рийлийг 328 реакц, 36 сэтгэгдлээр идэвхжүүлж, 165 мянган удаа үзэж, 77 удаа цааш түгээжээ.

FACTCHECK: Бид дараах байдлаар баримт шалгалт хийлээ

Apple компани 2025 оны 09 дүгээр сарын 09-нд iPhone Air, iPhone 17, Apple Watch Series , AirPods Pro 3 зэрэг бүтээгдэхүүнүүд гаргах болсноо зарласан билээ. Үүнээс iPhone 17 Pro утас нь тод хөх, мөнгөн саарал, улбар шар гэх гурван өнгийн сонголттойгоор гарна гэв. АНУ-ын “Pacific Time” цагийн бүсээр 2025 оны 09 дүгээр сарын 12-ны 05:00 цагт урьдчилсан захиалга эхэлж, 2025 оны 09 дүгээр сарын 19-нөөс албан ёсоор худалдаанд гарах юм.

Apple компанийн хэвлэлийн мэдээ (2025-09-09)

Тэгвэл худалдаанд гарахаас долоо хоногийн өмнө буюу 2025 оны 09 дүгээр сарын 11-ээс эхэлж гаднын нийгмийн сүлжээ болон Монголын нийгмийн сүлжээнд “iPhone 17 задаргаа” гэх бичлэг түгж эхэлжээ. Хандалт авах эсхүл залилан үйлдэх зорилготойгоор хуурамч, дуураймал бүтээгдэхүүн сурталчлах явдал цахим орчинд түгээмэл байдаг тул зөвхөн тухайн бүтээгдэхүүний албан ёсны вэбсайт-аас мэдээлэл авч байхыг зөвлөе.

Аливаа мэдээллийг хуваалцахаасаа өмнө #ЭхлээдБод #Think1st

Та бүхэн манай төвийн баримт нягталсан мэдээтэй холбоотой аливаа санал хүсэлт, залруулга хийлгэх болон бусад санал гомдлоо редакцын hello@mfcc.mn имэйл хаягаар ирүүлнэ үү.

ЭХ СУРВАЛЖ, ХОЛБООТОЙ НИЙТЛЭЛҮҮД

Шалгасан мэдээлэл

Эх сурвалжууд

Apple компанийн хэвлэлийн мэдээ (2025-09-09)

CNN-ээс гаргасан iPhone 17 нээлтийн мэдээлэл (2025-09-09)

Ерөнхий агуулга

“iPhone 17 задаргаа” гэсэн гарчигтай рийл түгээжээ.

Хуваалцах

Бид Олон Улсын Баримт Шалгагчдын Сүлжээ (International Fact-Checking Network)-ний ёс зүйн кодын дагуу аливаа мэдээллийг баримтаар баталгаажуулан шалгадаг. Баримтаар шалгасан мэдээллээ #ҮНЭН, #ХУДАЛ, #ТӨӨРӨГДҮҮЛСЭН, #БҮРЭН БУС, #ЭВЛҮҮЛЭГ, #ЕГӨӨДӨЛ гэсэн зургаан төрлөөр ангилж, олон нийтэд үнэн бодит мэдээлэл түгээн ажиллаж байна.