Туркийн Cilo ууланд хийсэн бичлэгийг Монголд гэж төөрөгдүүлжээ

#FactCheckedByMFCC | Шалгасан кэйсийн дугаар 1535

Шалгасан: MFCC
2025-08-08

Checked by: MFCC

Ерөнхий агуулга

Монголд аялж буй жуулчин ховор эмийн ургамал түүжээ гэх тайлбартай богино хэмжээний бичлэг түгээжээ.

Баримт шалгалтын үр дүн

Түгээсэн бичлэг нь Монголд бус Туркийн Cilo ууланд хийгдсэн.

Энэхүү мэдээлэлд Мета компанийн Хөндлөнгийн баримт шалгах хөтөлбөрийн хүрээнд тэмдэглэгээ зүүж анхааруулсан болно. (Дэлгэрэнгүйг энд болон эндээс уншина уу.)

2025 оны 07 дугаар сарын 31-нд Mongolia Heritage хуудаснаас “Монголд аялж буй жуулчин ховор мөөг, эмийн ургамал түүжээ. Энэ хаана вэ?” гэх тайлбартайгаар ууланд алхаж буй хүн мөөг түүж буй богино хэмжээний бичлэг нийтэлжээ. Тус бичлэгийг нийт 612 реакц, 138 сэтгэгдлээр идэвхжүүлж, 59 удаа цааш түгээжээ.

FACTCHECK: Бид дараах байдлаар баримт шалгалт хийлээ

@rahmiiyinc
Lokman⛰️#hakkari #doğa #nature #rahmiiyinc
♬ orijinal ses – Rahmi İyinç

Шалгасан бичлэгийн эх хувилбарыг нь 2025 оны 07 дугаар сарын 28-нд @rahmiiyinc нэртэй Instagram, TikTok хаягт нийтэлжээ. Тус бичлэгийг нийтлэхдээ “Lokman⛰️ #Hakkari (Мөөг) #Hakkari (Байгаль) #Cilo (Уулс) #Yüksekova #LifeInNature #Hakkari #VanHakkari” гэх тайлбартай постлосон байна.

Тухайн хэрэглэгчээс дэлгэрэнгүй лавлахад “Бичлэгт гарч буй хүнийг Lockman гэдэг. Бичлэг хийсэн байршил Cilo Уулс” гэж хариу илгээсэн.

*@rahmiiyinc Instagram хэрэглэгчээс тодруулга авсан screenshot. Туркээс англи хэл рүү орчуулсан зураг*

Cilo уул нь Турк улсад байрлалтай ба @rahmiiyinc хаягт “Cilo уул” гэх хаштаг ашиглан ууланд алхаж буй, уулнаас хоолны материал түүж, хоол хийж байгаа, байгалийн сайхныг харуулсан олон төрлийн бичлэг оруулжээ.

*Google Maps-аас Cilo уулыг харуулсан screenshot*.

Мөн 2025 оны 04 дүгээр сарын 22-нд нийтэлсэн бичлэгт “Lokman” гэх ижил тайлбарыг оруулсан ба тус бичлэгт нэгэн эр уулнаас ногоо түүж, хоол хийж идэж буйг дүрсэлжээ.

@rahmiiyinc
Lokman❤️⛰️🌷🍄#hakkari #rahmiiyinc #van #doğa #duhok
♬ orijinal ses – Rahmi İyinç

Дүгнэвэл, Турк улсад хийгдсэн бичлэгийг Монголд ховор эмийн ургамал түүж байна гэж төөрөгдүүлсэн тайлбартай түгээжээ.

Аливаа мэдээллийг хуваалцахаасаа өмнө #ЭхлээдБод #Think1st

Та бүхэн манай төвийн баримт нягталсан мэдээтэй холбоотой аливаа санал хүсэлт, залруулга хийлгэх болон бусад санал гомдлоо редакцын hello@mfcc.mn имэйл хаягаар ирүүлнэ үү.

ЭХ СУРВАЛЖ, ХОЛБООТОЙ НИЙТЛЭЛҮҮД

Шалгасан мэдээлэл

Эх сурвалжууд

@rahmiiyinc Instagram хаяг

@rahmiiyinc TikTok хаяг

Cilo уулын байрлал Google Maps

Ерөнхий агуулга

Монголд аялж буй жуулчин ховор эмийн ургамал түүжээ гэх тайлбартай богино хэмжээний бичлэг түгээжээ.

Хуваалцах

Бид Олон Улсын Баримт Шалгагчдын Сүлжээ (International Fact-Checking Network)-ний ёс зүйн кодын дагуу аливаа мэдээллийг баримтаар баталгаажуулан шалгадаг. Баримтаар шалгасан мэдээллээ #ҮНЭН, #ХУДАЛ, #ТӨӨРӨГДҮҮЛСЭН, #БҮРЭН БУС, #ЭВЛҮҮЛЭГ, #ЕГӨӨДӨЛ гэсэн зургаан төрлөөр ангилж, олон нийтэд үнэн бодит мэдээлэл түгээн ажиллаж байна.