"Үүрэг нуурын нууцлаг амьтан" гэх тайлбартай бичлэгийг хиймэл оюунаар бүтээсэн

“Үүрэг нуурын нууцлаг амьтан” гэх тайлбартай бичлэгийг хиймэл оюунаар бүтээсэн

#FactCheckedByMFCC | Шалгасан кэйсийн дугаар 1532

Шалгасан: MFCC
2025-08-06

Checked by: MFCC

Ерөнхий агуулга

Үүрэг нуурын нууцлаг амьтан гэх тайлбартай богино хэмжээний бичлэг түгээжээ.

Баримт шалгалтын үр дүн

Хиймэл оюун ухаан ашиглан контент бүтээдэг хаягийн бичлэгийг хуулбарлан түгээхдээ Монголд байдаг нуурын амьтан гэх төөрөгдүүлсэн тайлбартай түгээжээ

Энэхүү мэдээлэлд Мета компанийн Хөндлөнгийн баримт шалгах хөтөлбөрийн хүрээнд тэмдэглэгээ зүүж анхааруулсан болно. (Дэлгэрэнгүйг энд болон эндээс уншина уу.)

2025 оны 07 дугаар сарын 31-нд Od Bill гэх хаягаас “Үүрэг нуурын нууцлаг амьтан аялагч залуусын дроны дуранд буужээ” гэх тайлбартай уснаас цухуйж буй үл мэдэгдэх биетийн богино хэмжээний бичлэг нийтэлжээ. Тус бичлэгийг нийт 4,000 гаруй реакц, 371 сэтгэгдлээр идэвхжүүлж, 601 удаа цааш түгээжээ.

FACTCHECK: Бид дараах байдлаар баримт шалгалт хийлээ

Түгээсэн бичлэгийн хэсгийг Google Lens хайлтын системээр хайхад Instagram-ийн хэд хэдэн хаягт “Аварга далайн могой Норвегийн эрэгт сэлж байна…” гэх тайлбартай оруулжээ.

@nightterrorzzz
🛑 BREAKING: Gigantic Sea Serpent Emerges Off Norwegian Coast Fishermen Capture Terrifying Encounter on Camera A massive, jetliner-sized serpent surfaced near local fishing vessels today, sending shockwaves through coastal communities. Experts are baffled by the creature’s size and origin. Watch the jaw-dropping footage that has everyone talking. #SeaSerpent #NorwaySighting #OceanMystery #CryptidEncounter #ViralFootage #foundfootage
♬ original sound – NightTerrorZZZ

Үргэлжлүүлэн тус тайлбараар хайхад бичлэгийн эх хувилбарыг @NightTerrorZZZ нэртэй TikTok хаягт 2025 оны 07 дугаар сарын 19-нд нийтэлсэн ба бичлэгт хиймэл оюунаар бүтээсэн гэх шошгыг зүүжээ.

*Бичлэгийн эх хувилбарт хадсан хиймэл оюунаар бүтээсэн гэх тэмдэглэгээ.*

Тус хаягт нууцлаг, зохиомол аварга амьтдыг харуулсан ижил төрлийн бичлэгийг оруулдаг байна.

@NightTerrorZZZ хаяг танилцуулга хэсэгтээ AI Artist буюу хиймэл оюуныг ашиглан контент бүтээгч гэдгээ тусгажээ. Мөн танилцуулга хэсэгтээ бусад сошиал хаяг болон хиймэл оюун ухааны сайтыг харуулсан линк хавсаргасан байна. Тэрээр KlingAI хиймэл оюун ухааны хэрэглүүр ашиглан контент бүтээж, сошиал хаягаараа бусадтай хуваалдаг аж.

Дүгнэвэл хиймэл оюун ухаан ашиглан контент бүтээдэг хаягийн бичлэгийг хуулбарлан түгээхдээ Монголд байдаг нуурын амьтан гэх төөрөгдүүлсэн тайлбартай түгээжээ. Мөн шалгасан бичлэгийг нийтлэхдээ хиймэл оюунаар бүтээсэн гэх тэмдэглэгээг огт оруулаагүй байна.

Аливаа мэдээллийг хуваалцахаасаа өмнө #ЭхлээдБод #Think1st

Та бүхэн манай төвийн баримт нягталсан мэдээтэй холбоотой аливаа санал хүсэлт, залруулга хийлгэх болон бусад санал гомдлоо редакцын hello@mfcc.mn имэйл хаягаар ирүүлнэ үү.

ЭХ СУРВАЛЖ, ХОЛБООТОЙ НИЙТЛЭЛҮҮД

Шалгасан мэдээлэл

Эх сурвалжууд

Ерөнхий агуулга

Үүрэг нуурын нууцлаг амьтан гэх тайлбартай богино хэмжээний бичлэг түгээжээ.

Хуваалцах

Бид Олон Улсын Баримт Шалгагчдын Сүлжээ (International Fact-Checking Network)-ний ёс зүйн кодын дагуу аливаа мэдээллийг баримтаар баталгаажуулан шалгадаг. Баримтаар шалгасан мэдээллээ #ҮНЭН, #ХУДАЛ, #ТӨӨРӨГДҮҮЛСЭН, #БҮРЭН БУС, #ЭВЛҮҮЛЭГ, #ЕГӨӨДӨЛ гэсэн зургаан төрлөөр ангилж, олон нийтэд үнэн бодит мэдээлэл түгээн ажиллаж байна.