2025 оны 06 дугаар сарын 18-нд Delgermaa Beckbat нэртэй Facebook хэрэглэгч “Урьд шөнө, 6-р сарын 18-ны шөнө дунд, Иран Израилын зүрхийг онолоо! Израилын домог болсон Гадаад тагнуулын алба Мосад нуран уналаа” гэх агуулгатай постыг зургийн хамт түгээжээ. Уг постыг 758 реакц, 99 сэтгэгдлээр идэвхжүүлж, 115 удаа цааш түгээжээ.
FACTCHECK: Бид дараах байдлаар баримт шалгалт хийлээ
Бид түгээсэн постод хавсаргасан зургийг шалгаж үзлээ.
Ингэхэд:
- Израилын тагнуулын байгууллага болох “Mossad”-ийг “Mosad” гэж буруу бичсэн.
- Барилгын хувьд их эвдрэлтэй харагдаж байгаа ч “Mosad” гэх бичиг, 2 далбаа, шон зэрэгт ямар ч гэмтэл, эвдрэл байхгүй зэргээс үзвэл бодит бус, хиймэл оюун ухаанаар бүтээсэн зураг гэдэг нь харагдаж байна.
Мөн гаднын баримт шалгах төвүүд болох Энэтхэгийн Boom болон АНУ-ын Leader Stories үүнд баримт шалгалт хийж, түгээсэн зургийг бодит бус, хиймэл оюун ухаанаар бүтээсэн гэж дүгнэжээ.
Дүгнээд хэлбэл, барилга дээрх нэр үг үсгийн алдаатай, орчин тойронд байгаа далбаа, шон гэмтээгүй, хиймэл оюун ухааны хэрэглүүрийн үр дүн зэргээс үзвэл түгээсэн зураг нь бодит бус, хиймэл оюун ухаанаар бүтээсэн болох нь батлагдлаа.
Мөн бидний өмнө хийсэн баримт шалгалтуудтай (энд, энд, энд, энд) танилцаж, хиймэл оюун ухаанаар бүтээсэн зураг, бичлэг хэрхэн таних аргад суралцаарай.
