2025 оны 06 дугаар сарын 09-нд Battuvshin Luvsansuren, Zereg.mn зэрэг хаягаас “Бадархундага нуурын ёроол дахь мөнгөн аяганууд” гэх тайлбартай нуурын ёроолд үлдсэн аягануудыг дүрсэлсэн зураг оруулжээ. Мөн Altanzul Byambaa, Онцлох Мэдээ гэх мэт хаягаас ижил зургийг “нууранд мөнгөн эдлэл, элдэв металл хийх нь эмгэнэлтэй” гэх агуулга бүхий тайлбартай түгээсэн байна.
FACTCHECK: Бид дараах байдлаар баримт шалгалт хийлээ
Түгээсэн мэдээлэлд хавсаргасан зургийг Google Lens хайлтын системээр хайхад 2023 оны Өмнөд Хятадын тэнгисээс олдсон хэдэн зуун шаазан эдлэлийн тухай мэдээллүүд илэрцээр гарч ирлээ. Тодруулбал, тус зураг нь 2023 онд археологийн хамтарсан баг Өмнөд Хятадын тэнгисийн ёроолд 1500 метрийн гүнд байх хоёр сөнөсөн хөлгөөс 500 орчим жилийн өмнөх 200 гаруй дурсгалт зүйлийг олжээ. China daily мэдээллийн сайтад анх 2022 оны аравдугаар сард сүйрсэн хөлгүүдийг олсон ба Мин гүрний үеийнх (1368-1644) хэмээн тогтоосон тухай мэдээлсэн. Мөн хөлөг онгоцны ихэнх хэсэг нь элсэнд булагдсан тул 100 мянга гаруй соёлын дурсгалт зүйл булагдсан гэх тооцоог гаргасан тухай Asia News Network, The Independent, Nation Thailand зэрэг мэдээллийн сайтад мэдээлжээ.
Отгонтэнгэр уулын өвөрт орших Бадархундага нууранд хүмүүс мөнгө аяга хийх үзэгдэл бий бөгөөд 2018 онд Бадархундага нуураас 279 мөнгөн аяга хулгайлж, 2 хүнийг буудсан хэрэг гарч байжээ.
Бадархундага нууранд хүмүүс мөнгө, алт, зэс эдлэл өргөдөг уламжлал байдаг ч шалгасан мэдээлэлд ашигласан зураг Бадархундага нуурын ёроолын бус Хятадын Зүүн тэнгисээс олдсон Мин гүрний үеийн шаазан эдлэлийн зураг юм.
