2024 онд шатсан агуулахын зургийг ашиглан "Temu-ийн агуулах шатжээ" хэмээн төөрөгдүүлжээ

2024 онд шатсан агуулахын зургийг ашиглан “Temu-ийн агуулах шатжээ” хэмээн төөрөгдүүлжээ

#FactCheckedByMFCC | Шалгасан кэйсийн дугаар 1456

Шалгасан: MFCC
2025-05-31

Checked by: MFCC

Ерөнхий агуулга

“TEMU-ийн 300 гаруй тонн бараа хадгалагдаж бсан агуулах шатаж 7500 $ америк долларын хохирол учирчээ” гэх гарчигтай постыг нэгэн зургийн хамт түгээжээ

Баримт шалгалтын үр дүн

2024 онд АНУ-ын Сан Бернардино хотын нэгэн агуулах шатсан зургийг Temu-ийн агуулах байр шатжээ гэж төөрөгдүүлжээ.

Энэхүү мэдээлэлд Мета компанийн Хөндлөнгийн баримт шалгах хөтөлбөрийн хүрээнд тэмдэглэгээ зүүж анхааруулсан болно. (Дэлгэрэнгүйг энд болон эндээс уншина уу.)

2025 оны 05 дугаар сарын 30-ны өдөр Erdene Complex нэртэй Facebook пэйж “TEMU-ийн 300 гаруй тонн бараа хадгалагдаж байсан агуулах шатаж 7500 $ америк долларын хохирол учирчээ” гэх гарчигтай постыг нэгэн зургийн хамт түгээжээ. Уг постыг 987 реакц, 142 сэтгэгдлээр идэвхжүүлж, 104 удаа цааш түгээжээ.

FACTCHECK: Бид дараах байдлаар баримт шалгалт хийлээ

Бид Google Lens ашиглан хавсаргасан зургийг хайж үзэхэд 2024 оны 02 дугаар сарын 10-ны өдөр АНУ-ын Сан Бернардино хотын шатаж буй нэгэн агуулах байжээ. Сан Бернардино хотын гал түймэртэй тэмцэх газрын албан ёсны вэбсайтад мэдээлснээр “2972 метр квадрат хэмжээтэй агуулах шатаж байна гэсэн дуудлага шөнийн 3 цагт ирсэн. Тэрээр 90 минутын дотор галыг унтраасан бөгөөд ямар нэг хүн гэмтэж, бэртээгүй” гэжээ. Үүнээс гадна энэхүү агуулахыг ямар компани эзэмшдэг, юуны агуулах байр байсныг олон нийтэд зарлаагүй аж.

Уг гал түймэр АНУ-ын Сан Бернардино хотын W Mill St гудамжны ойролцоо гарсан

АНУ-ын Сан Бернардино хотын гал түймэртэй тэмцэх газрын албан ёсны вэбсайтад гарсан зураг

Мөн 2025 оны 01 дүгээр сарын байдлаар Temu-ийн зүгээс “Манай ямар нэг агуулах байранд гал гарсан тохиолдол байхгүй” хэмээн мэдэгджээ.

Тэгвэл энэхүү АНУ-ын Сан Бернардино хотын агуулах шатаж буй зургийг ашиглан Temu-ийн агуулах байр шатаж байна хэмээн төөрөгдүүлсэн гарчиг өгөн түгээсэн байна. Иймд та цахим орчинд түгж байгаа зураг, бичлэг агуулсан мэдээлэлд сэрэмжтэй хандаж, зургаар хайх аргад суралцахыг зөвлөе. Дараах баримт шалгалт руу орж зургаар хэрхэн хайх алхмуудыг уншаарай.

Аливаа мэдээллийг хуваалцахаасаа өмнө #ЭхлээдБод #Think1st

Та бүхэн манай төвийн баримт нягталсан мэдээтэй холбоотой аливаа санал хүсэлт, залруулга хийлгэх болон бусад санал гомдлоо редакцын hello@mfcc.mn имэйл хаягаар ирүүлнэ үү.

ЭХ СУРВАЛЖ, ХОЛБООТОЙ НИЙТЛЭЛҮҮД

Шалгасан мэдээлэл (архивласан хувилбар)

Эх сурвалжууд

АНУ-ын Сан Бернардино хотын гал түймэртэй тэмцэх газрын мэдээлэл

Ерөнхий агуулга

Хуваалцах

Бид Олон Улсын Баримт Шалгагчдын Сүлжээ (International Fact-Checking Network)-ний ёс зүйн кодын дагуу аливаа мэдээллийг баримтаар баталгаажуулан шалгадаг. Баримтаар шалгасан мэдээллээ #ҮНЭН, #ХУДАЛ, #ТӨӨРӨГДҮҮЛСЭН, #БҮРЭН БУС, #ЭВЛҮҮЛЭГ, #ЕГӨӨДӨЛ гэсэн зургаан төрлөөр ангилж, олон нийтэд үнэн бодит мэдээлэл түгээн ажиллаж байна.