Х платформ хэрэглэгчийн бичлэгийг төөрөгдүүлсэн тайлбартай түгээжээ

Шалгасан: MFCC
2025-05-28

Checked by: MFCC

Ерөнхий агуулга

“Монголд бизнес эрхэлдэг хятад 1 жилийн дараа орлогоо авч байгаа нь гэнэ үү” гэх гарчигтай бичлэг түгээжээ.

Баримт шалгалтын үр дүн

Sharing Travel (@TripInChina) нэртэй Х платформ хэрэглэгчийн бичлэгт төөрөгдүүлсэн гарчиг өгөн түгээжээ.

Энэхүү мэдээлэлд Мета компанийн Хөндлөнгийн баримт шалгах хөтөлбөрийн хүрээнд тэмдэглэгээ зүүж анхааруулсан болно. (Дэлгэрэнгүйг энд болон эндээс уншина уу.)

2025 оны 05 дугаар сарын 24-ны өдөр Б.Сүхбаатар нэртэй Facebook хэрэглэгч “Монголд бизнес эрхэлдэг хятад 1 жилийн дараа орлогоо авч байгаа нь гэнэ үү” гэх гарчигтай бичлэг түгээсэн нь 3200 гаруй реакц, 282 сэтгэгдлээр идэвхжиж, 671 удаа цааш түгээгджээ.

FACTCHECK: Бид дараах байдлаар баримт шалгалт хийлээ

Уг бичлэгийн эх сурвалж нь X (Twitter) платформын 95 мянга гаруй дагагчтай Sharing Travel (@TripInChina) хэрэглэгч аж. Уг хэрэглэгч нь Хятадын Zhejiang мужийн Lishui хотод амьдардаг нэгэн бөгөөд Хятад улсаар аялсан сонирхолтой зураг, бичлэгүүдийг түгээдгээрээ алдартай. Тэрээр 2025 оны 05 дугаар сарын 18-нд “Хүнд жинтэй ийм их бэлэн мөнгийг зөөж байгаадаа дургүй байна” гэсэн гарчигтайгаар нэгэн бичлэгийг егөөдөж түгээжээ.

Sharing Travel (@TripInChina) X хэрэглэгчийн зураг, бичлэгийн сан

Тэгвэл дээрх Х хэрэглэгчийн түгээсэн бичлэг дээр “Монголд бизнес эрхэлдэг хятад 1 жилийн дараа орлогоо авч байгаа нь гэнэ үү” гэсэн гарчиг тавин түгээж төөрөгдүүлжээ. Иймд аливаа зураг, бичлэгтэй цахим мэдээлэлд хандахдаа анхны эх сурвалжийг олж, харьцуулж байгаарай. Мөн манай өмнөх баримт шалгалтаас зургаар болон бичлэгээр хэрхэн хайлт хийх анхан шатны алхмуудыг харж болно.

Аливаа мэдээллийг хуваалцахаасаа өмнө #ЭхлээдБод #Think1st

Та бүхэн манай төвийн баримт нягталсан мэдээтэй холбоотой аливаа санал хүсэлт, залруулга хийлгэх болон бусад санал гомдлоо редакцын hello@mfcc.mn имэйл хаягаар ирүүлнэ үү.

ЭХ СУРВАЛЖ, ХОЛБООТОЙ НИЙТЛЭЛҮҮД

Шалгасан мэдээлэл (архивласан хувилбар)

Эх сурвалжууд

Sharing Travel (@TripInChina) – X платформын хэрэглэгч

Sharing Travel (@TripInChina) X хэрэглэгчийн зураг, бичлэгийн сан

Түгээсэн бичлэгийн эх хувилбар

Ерөнхий агуулга

“Монголд бизнес эрхэлдэг хятад 1 жилийн дараа орлогоо авч байгаа нь гэнэ үү” гэх гарчигтай бичлэг түгээжээ.

Хуваалцах

Бид Олон Улсын Баримт Шалгагчдын Сүлжээ (International Fact-Checking Network)-ний ёс зүйн кодын дагуу аливаа мэдээллийг баримтаар баталгаажуулан шалгадаг. Баримтаар шалгасан мэдээллээ #ҮНЭН, #ХУДАЛ, #ТӨӨРӨГДҮҮЛСЭН, #БҮРЭН БУС, #ЭВЛҮҮЛЭГ, #ЕГӨӨДӨЛ гэсэн зургаан төрлөөр ангилж, олон нийтэд үнэн бодит мэдээлэл түгээн ажиллаж байна.