ОХУ-д байдаг Усвинскийн баганан чулуу гэх газрын бичлэг түгээжээ

#FactCheckedByMFCC | Шалгасан кэйсийн дугаар #1419

Шалгасан: MFCC
2025-05-01

Checked by: MFCC

Ерөнхий агуулга

“Хөвсгөл аймаг, ар босготын хавцал” гэх тайлбартай богино хэмжээний бичлэг түгээжээ.

Баримт шалгалтын үр дүн

ОХУ-д хийгдсэн бичлэгийг Хөвсгөл аймгийн Ар босготын хавцал гэх төөрөгдүүлсэн тайлбартай түгээжээ.

Энэхүү мэдээлэлд Мета компанийн Хөндлөнгийн баримт шалгах хөтөлбөрийн хүрээнд тэмдэглэгээ зүүж анхааруулсан болно. (Дэлгэрэнгүйг энд болон эндээс уншина уу.)

2024 оны 10 дугаар сарын 25-нд Дэлхий дээрх гайхамшигт газрууд нэртэй хуудаснаас “Хөвсгөл аймаг Улаан-Уул сум. Хорьдол сарьдаг нурууны Ар босготын хавцал” гэх тайлбартай завиар аялж буйг дүрсэлсэн бичлэг нийтэлжээ. Тус бичлэгийг нийт 5,300 реакц, 66 сэтгэгдлээр идэвхжүүлж, 461 удаа цааш түгээжээ.

FACTCHECK: Бид дараах байдлаар баримт шалгалт хийлээ

Түгээсэн бичлэгийн хэсгийг Google lens хайлтын системээр хайж үзэхэд бичлэгийн эх хувилбарыг 2024 оны 10 дугаар 14-нд @maxkudryashov_ гэх TikTok хаягт “РЕКА УСЬВА И УСЬВИНСКИЕ СТОЛБЫ” (Усва гол, Усвинскийн тугууд) гэх тайлбартай нийтэлжээ. Мөн уг хаягтай ижил нэртэй @maxkudryashov86 гэх youtube сувагт байрлуулсан байна. Тус хаягаас шалгасан бичлэгт харуулж буй улаан завьтай гол гэтэлж байгаа үзэгдлийг харуулсан хэд хэдэн бичлэг нийтэлж байжээ.

*@maxkudryashov_ хаягт нийтэлсэн улаан завьтай бичлэгүүд*

Бичлэгт гарч буй газар нь ОХУ-ын Пермийн бүс нутагт орших Усвинскийн чулуун багана гэдэг нэртэй газар юм. 120 метр өндөр чулуун баганын дундуур Усва гол урсдаг байна.

*Усва гол, Усвинскийн чулуун багана нэртэй газрыг газрын зурагт харууллаа.*

ОХУ-д хийсэн бичлэгийг Хөвсгөл аймгийн Ар босготын хавцал гэх төөрөгдүүлсэн тайлбартай түгээжээ. Аливаа мэдээллийг зураг, бичлэгтэй нийтлэх нь ой тойнд үлдэх, итгэж үнэмшихэд нөлөөлдөг. Харин зураг бичлэгийн тайлбарыг өөрчлөх, төөрөгдүүлэх үзэгдэл бий. Иймд дээрх аргаар Google Lens хайлтын системд зургаар хайж, ямар агуулгатай түгсэн бичлэг болох, бичлэгийн эх сурвалжийг олох боломжтой.

Аливаа мэдээллийг хуваалцахаасаа өмнө #ЭхлээдБод #Think1st

Та бүхэн манай төвийн баримт нягталсан мэдээтэй холбоотой аливаа санал хүсэлт, залруулга хийлгэх болон бусад санал гомдлоо редакцын hello@mfcc.mn имэйл хаягаар ирүүлнэ үү.

ЭХ СУРВАЛЖ, ХОЛБООТОЙ НИЙТЛЭЛҮҮД

Шалгасан мэдээлэл

Эх сурвалжууд

@maxkudryashov TikTok хаяг_

@maxkudryashov86 Youtube суваг

Ерөнхий агуулга

“Хөвсгөл аймаг, ар босготын хавцал” гэх тайлбартай богино хэмжээний бичлэг түгээжээ.

Хуваалцах

Бид Олон Улсын Баримт Шалгагчдын Сүлжээ (International Fact-Checking Network)-ний ёс зүйн кодын дагуу аливаа мэдээллийг баримтаар баталгаажуулан шалгадаг. Баримтаар шалгасан мэдээллээ #ҮНЭН, #ХУДАЛ, #ТӨӨРӨГДҮҮЛСЭН, #БҮРЭН БУС, #ЭВЛҮҮЛЭГ, #ЕГӨӨДӨЛ гэсэн зургаан төрлөөр ангилж, олон нийтэд үнэн бодит мэдээлэл түгээн ажиллаж байна.