Элон Маск CNN-ийг $3 тэрбумаар худалдаж авна гэх мэдээлэл худал

#FactCheckedByMFCC | Шалгасан кэйсийн дугаар #1344

Шалгасан: MFCC
2025-03-05

Checked by: MFCC

Ерөнхий агуулга

Элон Маск 3 тэрбум доллараар CNN-ийг худалдаж авахаар болсон гэх мэдээллийг түгээжээ.

Баримт шалгалтын үр дүн

Энэ талаар ямар нэг баталгаатай мэдээлэл байхгүй бөгөөд шалгасан мэдээллийн эх сурвалж нь хошигнол түгээдэг вэбсайт байна.

2025 оны гуравдугаар сарын 01-нд Урт Тэрэгтэн нэртэй хаягаас “Элон Маск CNN-ийг 3 тэрбум доллараар худалдаж аваад…Худлааг зогсоох цаг боллоо..Хэвлэл мэдээллийн сүлжээг засна гэв. үндсэн сэтгүүлчдийн дунд үймээн самуун болж үймж байна даа. Манайд ч гэсэн хаалтын гэрээ эрүүл гадна санхүүжилт авдаг хөлсний ТВ сайтууд олон бий…нэг л өдөр тэд ч гэсэн хариуцлага хүлээж л таарна” гэх тайлбартай пост нийтэлжээ. Тус пост нь 259 реакц, 11 сэтгэгдэл авч, 44 удаа цааш түгээгджээ.

FACTCHECK: Бид дараах байдлаар баримт шалгалт хийлээ

Бид Google хайлтын системээр “Элон Маск CNN-ийг худалдаж авна” гэх агуулгаар хайхад шалгасан нийтлэлд 2024 оны 11-р сарын 18-нд Reuters мэдээллийн сайт баримт шалгалт хийжээ. Тус баримт шалгалтад “Элон Маск CNN-ийг худалдаж авахаар тохиролцсон тухай цахим сүлжээгээр тараасан мэдээлэл нь худал гэж CNN-ийн мэдээлэл хариуцсан захирал Мариана Пиньанго цахим шуудангаар мэдэгдэв” гэжээ.

Элон Маск CNN-ийг худалдаж авна гэх мэдээлэл анх арваннэгдүгээр сарын 06-нд viral.besttopixs.com хэмээх сайт нийтэлсэн юм байна. Харин тус сайт нь “clickbait” буюу хүмүүсийн анхаарлыг татахын тулд тодорхой эх сурвалжгүй, сенсац болохуйц худал мэдээллийг тараадаг.

Шалгасан мэдээлэлд хавсаргасан зурагны дээд буланд байгаа логогоор хайж үзэхэд тус нийтлэл нь хоёрдугаар сарын 22-нд American Daily Media Digest гэх хуудаснаас анх нийтэлсэн байна.

Аливаа мэдээллийг хуваалцахаасаа өмнө #ЭхлээдБод #Think1st

Та бүхэн манай төвийн баримт нягталсан мэдээтэй холбоотой аливаа санал хүсэлт, залруулга хийлгэх болон бусад санал гомдлоо редакцын hello@mfcc.mn имэйл хаягаар ирүүлнэ үү.

ЭХ СУРВАЛЖ, ХОЛБООТОЙ НИЙТЛЭЛҮҮД

Шалгасан мэдээлэл

Архивлагдсан хувилбар

Эх сурвалж

Reuters-ийн баримт шалгалт

Элон Маск CNN-ийг худалдаж авна гэх егөөдөл мэдээ

Хуваалцах

Бид Олон Улсын Баримт Шалгагчдын Сүлжээ (International Fact-Checking Network)-ний ёс зүйн кодын дагуу аливаа мэдээллийг баримтаар баталгаажуулан шалгадаг. Баримтаар шалгасан мэдээллээ #ҮНЭН, #ХУДАЛ, #ТӨӨРӨГДҮҮЛСЭН, #БҮРЭН БУС, #ЭВЛҮҮЛЭГ, #ЕГӨӨДӨЛ гэсэн зургаан төрлөөр ангилж, олон нийтэд үнэн бодит мэдээлэл түгээн ажиллаж байна.