Ерөнхийлөгч УЕПГ-т үүрэг болгох эрхгүй

#FactCheckedByMFCC | Шалгасан кэйсийн дугаар #1296

Шалгасан: MFCC
2025-01-27

Checked by: MFCC

Ерөнхий агуулга

“Ерөнхийлөгч Ц.Хуланд холбогдох хэргийг дахин хянахыг улсын ерөнхий прокурорын газарт үүрэг болгожээ” гэсэн пост оруулжээ.

Баримт шалгалтын үр дүн

Монгол Улсын Ерөнхийлөгчийн тухай хуулийн 12.17-д “Улсын ерөнхий прокурор, түүний орлогч нарыг томилох тухай саналаа Улсын Их Хуралд оруулна. Улсын Их Хурал уг саналыг татгалзсан бол өөр хүнийг санал болгоно” гэдгээс өөр прокурортой холбоотой заалт байхгүй байна.

2025 оны нэгдүгээр сарын 27-ны өдөр Зангараг.мн нэртэй хуудсаас “Ерөнхийлөгч Ц.Хуланд холбогдох хэргийг дахин хянахыг улсын ерөнхий прокурорын газарт үүрэг болгожээ” гэсэн пост оруулжээ. Уг пост нь 82 реакц, 17 сэтгэгдэл авчээ.

FACTCHECK: Бид дараах байдлаар баримт шалгалт хийлээ

Тухайн мэдээллийг Google хайлт дээр хайж үзэхэд Ерөнхийлөгчийн тамгын газрын Хэвлэл мэдээллийн албаны дарга Ө.Золбаяр өөрийн “X” цахим хуудаст “Энэ худал мэдээлэл байна. Ерөнхийлөгч ийм үүрэг өгөх эрх үндсэн хууль, бусад хуулиар ч олгогдоогүй” гэжээ.

Мөн эрх зүйн мэдээллийн нэгдсэн системийн legalinfo.mn сайтад Монгол Улсын Ерөнхийлөгчийн тухай хуулийн 12 дугаар зүйлд бүрэн эрхийг нь зааж өгсөн. Тухайлбал 12.17-д “Улсын ерөнхий прокурор, түүний орлогч нарыг томилох тухай саналаа Улсын Их Хуралд оруулна. Улсын Их Хурал уг саналыг татгалзсан бол өөр хүнийг санал болгоно” гэдгээс өөр прокурортой холбоотой заалт байхгүй байна.

Илт худал мэдээллийг олон нийтийн сүлжээнд түгээхээс зайлсхийж, цааш түгээхээсээ өмнө баталгаатай эх сурвалжаас нягталж байгаарай.

Аливаа мэдээллийг хуваалцахаасаа өмнө #ЭхлээдБод #Think1st

Та бүхэн манай төвийн баримт нягталсан мэдээтэй холбоотой аливаа санал хүсэлт, залруулга хийлгэх болон бусад санал гомдлоо редакцын hello@mfcc.mn имэйл хаягаар ирүүлнэ үү.

ЭХ СУРВАЛЖ, ХОЛБООТОЙ НИЙТЛЭЛҮҮД

Шалгасан мэдээлэл

Эх сурвалж

Монгол Улсын Ерөнхийлөгчийн тухай хууль

Ерөнхийлөгчийн Тамгын газрын хэвлэлийн төлөөлөгчийн мэдэгдэл

Хуваалцах

Бид Олон Улсын Баримт Шалгагчдын Сүлжээ (International Fact-Checking Network)-ний ёс зүйн кодын дагуу аливаа мэдээллийг баримтаар баталгаажуулан шалгадаг. Баримтаар шалгасан мэдээллээ #ҮНЭН, #ХУДАЛ, #ТӨӨРӨГДҮҮЛСЭН, #БҮРЭН БУС, #ЭВЛҮҮЛЭГ, #ЕГӨӨДӨЛ гэсэн зургаан төрлөөр ангилж, олон нийтэд үнэн бодит мэдээлэл түгээн ажиллаж байна.