2022 онд Хятадад болсон үйл явдлын бичлэгийг УИХ-ын гишүүн Ч.Лодойсамбуу хэмээн түгээжээ

#FactCheckedByMFCC | Шалгасан кэйсийн дугаар #1289

Шалгасан: MFCC
2025-01-17

Checked by: MFCC

Ерөнхий агуулга

“УИХ-ын гишүүн Ч.Лодойсамбуу салсан эхнэр болох Эрдэнэчулууныг зодож буй бичлэг задарлаа. Эмэгтэй хүнийг эх хүнийг ингэж зодож болох уу? Ийм хэрцгий балмад хүнээр бид өөрсдийгөө төлөөлүүлж УИХ-д нэр дэвшүүлжээ” гэх агуулгатай бичлэгийг түгээжээ.

Баримт шалгалтын үр дүн

Google Lens ашиглан түгээсэн бичлэгийг хайхад 2022 онд Хятадад болсон үйл явдлын бичлэг байжээ.

Энэхүү мэдээлэлд Мета компанийн Хөндлөнгийн баримт шалгах хөтөлбөрийн хүрээнд тэмдэглэгээ зүүж анхааруулсан болно. (Дэлгэрэнгүйг энд болон эндээс уншина уу.)

2024 оны 01 дүгээр сарын 17-ны өдөр Сөрөг Цэнэг нэртэй Фэйсбүүк пэйж “УИХ-ын гишүүн Ч.Лодойсамбуу салсан эхнэр болох Эрдэнэчулууныг зодож буй бичлэг задарлаа. Эмэгтэй хүнийг эх хүнийг ингэж зодож болох уу? Ийм хэрцгий балмад хүнээр бид өөрсдийгөө төлөөлүүлж УИХ-д нэр дэвшүүлжээ” гэх агуулгатай, 12 секундын урттай бичлэг бүхий пост түгээжээ. Тус пост нь 1600 гаруй реакц, 979 сэтгэгдэл авч, 3200 гаруй удаа цааш түгээгджээ.

FACTCHECK: Бид дараах байдлаар баримт шалгалт хийлээ

Бид уг бичлэгийн нэг хэсгийг зураг болгон, Google Lens-ээр хайхад доорх илэрц гарч ирлээ.

*Түгээсэн бичлэгийн Google Lens-ийн илэрцүүд*

Гарч ирсэн илэрцүүд рүү орж үзэхэд Хятадын China Daily, Yeeyi, Sohu хэвлэл мэдээллүүдээр гарсан 2022 оны Хятадад болсон үйл явдлын мэдээ болох нь харагдаж байна. China Daily-гийн мэдээлснээр энэ үйл явдал Ши Ань хотод болж эхнэрээ зодсон Ван Пэнфэйн бичлэг онлайн орчинд ихээхэн шүүмжлэл дагуулсан гэжээ.

Yeeyi мэдээллийн вэбсайт дээр гарсан мэдээ

Yeeyi дээр гарсан мэдээллийг орчуулсан нь

Дүгнээд хэлэхэд, 3 жилийн өмнө буюу 2022 онд Хятадын Шаньси мужийн Ши Ань хотод болсон үйл явдлын бичлэгийг УИХ-ын гишүүн Ч.Лодойсамбуу эхнэрээ зодож байна хэмээн түгээж, төөрөгдүүлжээ.

Аливаа мэдээллийг хуваалцахаасаа өмнө #ЭхлээдБод #Think1st

Та бүхэн манай төвийн баримт нягталсан мэдээтэй холбоотой аливаа санал хүсэлт, залруулга хийлгэх болон бусад санал гомдлоо редакцын hello@mfcc.mn имэйл хаягаар ирүүлнэ үү.

ЭХ СУРВАЛЖ, ХОЛБООТОЙ НИЙТЛЭЛҮҮД

Шалгасан мэдээлэл (Архивласан хувилбар)

Эх сурвалжууд

China Daily дээр гарсан мэдээ (2022 он)

Yeeyi дээр гарсан мэдээ (2022 он)

Sohu дээр гарсан мэдээ (2022 он)

Ерөнхий агуулга

Хуваалцах

Бид Олон Улсын Баримт Шалгагчдын Сүлжээ (International Fact-Checking Network)-ний ёс зүйн кодын дагуу аливаа мэдээллийг баримтаар баталгаажуулан шалгадаг. Баримтаар шалгасан мэдээллээ #ҮНЭН, #ХУДАЛ, #ТӨӨРӨГДҮҮЛСЭН, #БҮРЭН БУС, #ЭВЛҮҮЛЭГ, #ЕГӨӨДӨЛ гэсэн зургаан төрлөөр ангилж, олон нийтэд үнэн бодит мэдээлэл түгээн ажиллаж байна.